ԱՄՆ-ը ցանկանում էր «սպեցնազ» ուղարկել Ուկրաինա, բայց վախեսել է ՌԴ-ից. Politico

ԱՄՆ-ում 2021 թվականի վերջին քննարկվել է հատուկ նշանակության ուժերի «մի քանի հարյուր» ներկայացուցիչներ Ուկրաինա ուղարկելու հնարավորությունը՝ վարժեցնելու «պատերազմի ոչ ավանդական մեթոդները», հայտնում է Politico-ն՝ վկայակոչելով գործին ծանոթ մարդկանց։

«2021 թվականի դեկտեմբերին ԱՄՆ բարձրաստիճան զինվորականները օրենսդիրներին ասացին, որ պատրաստվում են «մի քանի հարյուր» լրացուցիչ հատուկ նշանակության ուժերի անձնակազմ ուղարկել Ուկրաինա՝ ոչ սովորական պատերազմ վարժեցնելու համար: Սակայն Սպիտակ տան պաշտոնյաները կասկածներ ունեին տեղակայման վերաբերյալ, և ուժերը երբեք չուղարկվեցին:
Պարբերականի տվյալներով՝ լրացուցիչ անձնակազմը պետք է պատրաստեր ուկրաինական զորքերին Ուկրաինայում ԱՄՆ պաշտոնական ուսումնական առաքելությունից առանձին։
Ըստ աղբյուրների վկայակոչված պաշտոնյաներից մեկի՝ նախագահ Ջո Բայդենի վարչակազմը մտավախություն ուներ, որ ուժեր ուղարկելը «կսրի իրավիճակը Ռուսաստանի հետ»։
Այնուամենայնիվ, Սպիտակ տան խոսնակն ասել է, որ վարչակազմին չեն տեղեկացրել Ուկրաինա լրացուցիչ ուսումնական առաքելություններ ուղարկելու ծրագրերի մասին:
Պենտագոնի պաշտոնյայի խոսքով՝ Բայդենը չի չեղարկել «պլանավորված ուսումնական գործունեությունը Ուկրաինայում, քանի դեռ փետրվարին ԱՄՆ ուժերը չեն վերատեղակայվել»։
Սակայն պաշտոնյաներից ոչ ոք չմեկնաբանեց այն ենթադրությունը, որ առաքելությունը ոչ պաշտոնապես քննարկվել է Սպիտակ տան հետ։