- 02/04/2022
Ճշգրիտ հարվածներից հետո այրվել է ուկրաինական գլխավոր օլիգարխի նավթավերամշակման գործարանը (ՖՈՏՈ, ՏԵՍԱՆՅՈՒԹ)
Կրեմենչուգում (Պոլտավայի շրջան) ռուսական բանակի կողմից հասցված ճշգրիտ հարվածներից հետո այրվում են Կրեմենչուգ նավթավերամշակման գործարանի օբյեկտները: Այն պատկանում է ուկրաինացի օլիգարխ Իգոր Կոլոմոյսկուն, ով մեծ դեր ունեցավ Զելենսկուն իշխանության բերելու հարցում։
Քաղաքի վերևում թանձր սև ծխի սյուներ են բարձրանում։
Խոշոր նավթավերամշակման գործարանի աշխատանքի դադարեցման դեպքում Ուկրաինայի զինված ուժերի Դոնբասի խմբավորումը կորցնում է վառելիք մատակարարելու իր վերջին հնարավորությունը։
Տեղեկությունն այն մասին, որ Պոլտավայում և Կրեմենչուգում օբյեկտներ են խոցվել ՌԴ Զինված ուժերի գիշերային հարվածի հետևանքով, հաստատել է Պոլտավայի մարզային պետական վարչակազմի ղեկավար Դմիտրի Լունինը։
Նրա խոսքով՝ Պոլտավայում «առնվազն չորս հրթիռ է արձակվել երկու ենթակառուցվածքային օբյեկտների վրա», իսկ ապրիլի 2-ի առավոտյան Ռուսաստանի օդատիեզերական ուժերի ինքնաթիռներն աշխատել են Կրեմենչուգի արդյունաբերական օբյեկտների վրա։
