- 06/04/2022
Կրեմլը չի բացառում արևմտյան երկրների հետ դիվանագիտական հարաբերությունների խզումը
Ռուսաստանը չի բացառում, որ կարող է խզել դիվանագիտական հարաբերությունները թշնամական արևմտյան երկրների հետ։ Այս մասին հայտարարել է նախագահի մամուլի խոսնակ Դմիտրի Պեսկովը՝ մեկնաբանելով մի շարք երկրների կողմից ռուս դիվանագետների արտաքսումը։
Կրեմլի խոսնակի խոսքով՝ եթե այս պրակտիկան շարունակվի, ապա դիվանագիտական հարաբերությունները խզելու «պոտենցիալ ռիսկ» կա։
«Մենք ամեն օր բախվում ենք նմանատիպ ռազմական գործողությունների։ Դիվանագետների արտաքսումը որոշում է, որը փակում է դիվանագիտական հարաբերությունների պատուհանը»,- ասել է Պեսկովը ֆրանսիական LCI հեռուստաալիքին տված հարցազրույցում։
Պետության ղեկավարի մամուլի քարտուղարը միաժամանակ նշել է, որ ներկա պայմաններում անհրաժեշտ է պահպանել դիվանագիտական կապերը։
