«YouTube»-ը, ըստ ամենայնի, ՌԴ-ում կարգելափակվի

Ապրիլի 9-ին «Google»-ին պատկանող «YouTube» տեսահոսթինգը արգելափակել է «Դումա TV» հեռուստաալիքը։

Ինչպես հայտնել են Պետդումայում, ալիքում եղել է ավելի քան 145 հազար բաժանորդ, իսկ դրա տեսագրությունը (պատգամավորների բացառիկ մեկնաբանությունները, լիագումար նիստերի եւ ծրագրերի հեռարձակումները) ընդհանուր առմամբ հավաքել է ավելի քան 100 մլն դիտում:

Պետդումայում, սակայն, ընդգծել են, որ «պատրաստ էին դրան եւ ակտիվորեն զարգանում են այլ հարթակներում»:

Ռոսկոմնադզորն արդեն «YouTube»-ի վարչակազմից պահանջել է վերականգնել Պետդումայի ալիքին հասանելիությունը, քանի որ նրա արգելափակումը խոչընդոտում է տեղեկատվության տարածմանը եւ դրա ազատ հասանելիությանը:

Ռուսաստանի ԱԳՆ պաշտոնական ներկայացուցիչ Մարիա Զախարովան արձանագրել է, որ նման գործողություններով «YouTube»-ը՝ «Իր դատավճիռ է ստորագրել»:

«Պահպանեք բովանդակությունը, տեղափոխեք ռուսական հարթակներ։ Եվ արագ»,- դիմել է Զախարովան ռուսական օգտանտներին։ Իսկ դա նշանակում է, որ մեծ հավանականությամբ ամենամոտ ժամանակներս «YouTube»-ը Ռուսաստանում կարգելափակվի: