Դոնբասի զորքերը և չեչենական «սպեցնազը» եւս երկու բնակավայր են ազատագրել (ՎԻԴԵՈ)

Չեչնիայի Հանրապետության «Ախմատի» հատուկ ջոկատայինները եւ ԼԺՀ-ի գրոհել են Կրեմեննայա և Ստարայա Կրասնյանկա բնակավայրերը: Հակառակորդը ոչնչացված է, մնացորդները փախել են:

Համապատասխան կադրերը հրապարակել է Չեչնիայի ղեկավար Ռամզան Կադիրովը։

«Ախմատի հատուկ նշանակության ջոկատի զինվորները ԼԺՀ-ի զինծառայողների հետ միասին գրավել են Կրեմեննայա և Ստարայա Կրասնյանկա բնակավայրերը։ Այս մասին հայտնում է իմ սիրելի ԵՂԲԱՅՐԸ, Չեչնիայի Հանրապետության ղեկավարի էներգետիկայի գծով օգնական Ապտա Ալաուդինովը։

Մեր մարտիկների համակարգված և կայծակնային հարձակման շնորհիվ ուկրաինացի ազգայնականները և նացիստները ստիպված եղան շտապ հեռանալ այս բնակավայրերից։

Իրավասու ղեկավարությունը և արդյունավետ համակարգումը մեր զինծառայողներին թույլ տվեցին այս գործողությունն իրականացնել առանց անձնակազմի զոհերի։

Հիմա մեր եռագույնը ծածանվում է Ստարայա Կրասնյանկայի միակ վարչական շենքի վրա։ Առաջիկայում մարտիկները կմաքրեն բնակավայրերը եւ մարդասիրական օգնություն կկազմակերպեն տեղի բնակչությանը։ Կարծում եմ, որ նրանք էլ ավելի արդյունավետ կկատարեն այդ խնդիրը։

Իմ անկեղծ երախտագիտությունն եմ հայտնում մեր մարտիկներին և, մասնավորապես, Ապտա Ալաուդինովին՝ իրենց առաջադրված խնդիրների արդյունավետ լուծման համար։

Վստահ եմ, որ մոտ ապագայում մենք ուկրաինական խունտայի կամակատարներից կազատագրենք մոտակա մյուս բնակավայրերը։

Դա անելու համար մենք ունենք բոլոր անհրաժեշտ ուժերն ու ռեսուրսները»,- գրել է Կադիրովը։