• April 20, 2022

Աշոտյանը 18+ անեկդոտ պատմեց

Աշոտյանը 18+ անեկդոտ պատմեց

ՀՀԿ փոխնախագահ ԱՐՄԵՆ ԱՇՈՏՅԱՆԻ գնահատմամբ` Վլադիմիր Պուտինի եւ Նիկոլ Փաշինյանի միջեւ ստորագրված 30 կետից կազմված փաստաթղթում մի շարք դրույթներ կային, որոնք մտահոգիչ էին:

– Մասնավորապես` մտահոգիչ է Արցախի ապագայի կարգավիճակի հետ կապված հարցը, որովհետեւ փաստաթղթում կար հստակության բացակայություն: Կար նաեւ փոքր պոզիտիվ բան` Նիկոլի կամքին եւ քաղաքականությանը հակառակ. Նիկոլ Փաշինյանը խաբում էր` պնդելով, թե աշխարհը մեզ ստիպում է, որ խաղաղության պայմանագիր կնքենք: Իսկ Վլադիմիր Պուտինի հետ ստորագրած երկար փաստաթղթում խաղաղության պայմանագրի մասին գեթ մեկ հիշատակում չկար: Եթե Ռուսաստանը չի պնդում, այդ աշխարհը ո՞վ է, որ մեզ ստիպում է: Ուզում ենք իմանալ` ո՞վ է պնդում, որ պետք է արագ տեմպերով խաղաղության պայմանագիր կնքել: Մի անեկդոտ եմ ուզում պատմել, թեպետ մի քիչ 18+ է, բայց կներկայացնեմ պարկեշտության մեջ: Մեկը գալիս է մեծահասակների համար նախատեսված ֆիլմերի կինոստուդիա, ասում է` շատ ուժեղ տղա եմ, ուզում եմ ձեր կինոներում նկարվեմ: Ասում են` նկարվի, բայց դերը տալիս են` չի «ձգում», երկրորդ դերն է տալիս` էլի չի կարողանում, երրորդը` կրկին նույն վիճակն է: Ստուդիայի տնօրենը կանչում է ու հարցնում` եթե չես կարողանում, ինչի՞ ես եկել մեր ֆիլմերում նկարվելու: Զարմացած պատասխանում է` ձեզ կինոների մեջ բացասական հերոս պետք չի՞: Հիմա մենք այս կինոյի մեջ ենք հայտնվել Նիկոլի պատճառով: Մեզ բացասական հերոս պետք չէ, այլ դրական հերոս է պետք, իսկ Նիկոլ Փաշինյանը` որպես բացասական հերոս, պետք է այս տրագիկ կինոյի միջից դուրս գա: Այլընտրանք չկա` կա՛մ ինքը երեք միլիոն հայաստանցի հայերիս ու 120 հազար արցախցիներին «քոքահան կանի» դանդաղ կամ արագ` մորթելով թուրքերի ձեռքերով, ուծացման ենթարկելով ու արտագաղթեցնելով, կա՛մ մենք կփոխենք այս իրավիճակը ու կունենանք ապագայի շանս: Այլեւս ամեն ինչ շատ պարզ է: Նիկոլին ոչ ոք իրավունք չի տվել մեր հայրական տունը` Արցախն ու Հայաստանը, վաճառել: Բողոքել Մոսկվայից, Բրյուսելից ու Վաշինգտոնից` նույնն է, որ մեկը իր «էշ հալով», լինելով «նառկոշ», «ալկաշ» ու պարտքերի մեջ, հայրական տունն էժանով գնա ծախելու, իսկ բրոկերները տեսնեն, որ ապուշ է, փողի մեջ «փայ մտնեն», տոկոս աշխատեն: Հիմա նույնը Նիկոլի հետ է կատարվում` էժանով Հայաստանն ու Արցախը հանել է վաճառքի, աշխարհի «բրոկերներն» էլ ասում են` եթե այդքան անուղեղ ես ու անհայրենիք, արանքում մենք «փայ կմտնենք»: Էլ լատինական բառեր չեմ օգտագործում, էլ անգլիական օրինակներ չեմ բերում, այլ շատ պարզ, կենցաղային, երեւանյան լեզվով փորձում եմ բացատրել, թե ինչ է կատարվել:

– Պարոն Աշոտյան, ինչպե՞ս եք այդ «էժանով վաճառքը» կասեցնելու: Կա՞ այլ գործիքակազմ` բացի Ազատության հրապարակում ընթացող նստացույցին սատարելը:

– Եթե շարունակում ենք այդ համեմատությունը, պետք է իմանանք, որ հայրական տունը լիքը տերեր ունի: Այդ տունը Նիկոլինը չէ, վաճառքի հանված բնակարանում նա երեք միլիոնից ընդամենը մեկն է, ավելին ասեմ` 10 միլիոնից մեկն է: Վստահ եմ` հարյուրապատիկ ավել մարդ դեռ Ազատության հրապարակ չեն եկել ու միտինգներին կգան, չեն թողնելու, որ վաճառվի: Ինչ վերաբերում է Ազատության հրապարակում տեղի ունեցող նստացույցին, չեմ խոսի ակցիայի կազմակերպիչների անունից, առնվազն կոռեկտ չէ իմ կողմից: Ես գնացել եմ Ազատության հրապարակ` որպես ՀՀ քաղաքացի սատարելու Արթուր Վանեցյանին: Իսկ որպես ՀՀԿ փոխնախագահ` կասեմ, որ գործողություններ դեռ լինելու են: Հետեւապես կոչ եմ անում` ձեր բարեկամններին, ընկերներին ու երեխաներին վերցրեք եւ համեցեք Ազատության հրապարակ: Այնտեղ բազմաթիվ լավ մարդիկ կան, որոնց մի մասին գիտեք, մեծ մասին չգիտեք, կգաք ե՛ւ կծանոթանաք, ե՛ւ ձեր փոքր, բայց կարեւոր քայլը կանեք Նիկոլ Փաշինյանի հեռացման հարցում: Հասարակությունը կողմնորոշվելու կարիք այլեւս չունի, Նիկոլ Փաշինյանի վերջին հայտարարությունները փաստում են, որ նա շարունակում է նույն ձեւով եւ նույն ոճով աշխատել, ինչպես մինչ այսօր, այսինքն` խաբել, բանավոր պայմանավորվածություններ ձեռք բերել, գրավոր թղթեր հրապարակել: Իր հետ հույս կապելն արդեն միամտություն էլ չէ, այլ հիմարություն է:

ՀՐԱՆՏ ՍԱՐԱՖՅԱՆ

Առնչվող գրառում

Բայդեն Գուդն. ամերիկացիներից փող է վերցնում ու տալիս Ուկրաինային (Ֆոտո)

Բայդեն Գուդն. ամերիկացիներից փող է վերցնում ու տալիս Ուկրաինային…

Սոցցանցերում, այդ թվում` ամերիկյան ակտիվորեն շրջանառվում է նոր կատակը. «Ամերիկյան ֆոլկլորի նոր հերոսը Բայդեն Գուդն է։ Ամերիկացիներից փող է վերցնում ու…
ՎԴՎ-ի 7-րդ դիվիզիայի հրետանին ոչնչացնում է ուկրաինական ինքնագնաց հրետանին ´Տեսանյութ)

ՎԴՎ-ի 7-րդ դիվիզիայի հրետանին ոչնչացնում է ուկրաինական ինքնագնաց հրետանին…

7-րդ օդադեսանտային դիվիզիայի հրետանին ոչնչացնում է հակառակորդի ինքնագնաց հրետանին:
Մեր զորքերը հարձակման անցան Սնիգիրևկայի արևմուտքում. Իգոր Ստրելկով

Մեր զորքերը հարձակման անցան Սնիգիրևկայի արևմուտքում. Իգոր Ստրելկով

Դոնբասի բանակի հիմնադիր եւ առաջին հրամանատար Իգոր Ստրելկովը, ով ներկայումս Մոսկվայի պաշտոնական քաղաքականության քննարադության պատճառով զրկված է պատերազմին մասնակցելու հնարավորությունից, այս…