Պուտին. կանխվել է հայտնի հեռուստալրագրողի սպանությունը

Այսօր առավոտյան ԱԴԾ-ն կանխել է ռուս հայտնի հեռուստալրագրողի դեմ մահափորձը։ Այս մասին հայտարարել է նախագահ Վլադիմիր Պուտինը՝ ելույթ ունենալով Ռուսաստանի Դաշնության գլխավոր դատախազության կոլեգիայում։

«Այսօր առավոտյան Անվտանգության դաշնային ծառայությունը դադարեցրել է ահաբեկչական խմբավորման գործունեությունը, որը ծրագրել էր ռուս հայտնի լրագրողի վրա հարձակումն ու սպանությունը։

Իհարկե, հիմա դա կհերքեն, բայց փաստերն ու ապացույցները անհերքելի են։ Անցել են ահաբեկչությունների: Մեր լրագրողների սպանությունները նախապատրաստելուն:

Նշենք, որ ազգանունով գիտենք կուրատորներին՝ արեւմտյան ծառայություններից: Առաջին հերթին, իհարկե, ԱՄՆ ԿՀՎ-ից, ովքեր աշխատում են Ուկրաինայի անվտանգության մարմինների հետ։ Ըստ ամենայնի, նրանք են նման խորհուրդներ տալիս:

Ահա եւ ձեզ լրագրողների իրավունքների, տեղեկատվության տարածման, ընդհանրապես մարդու իրավունքների պաշտպանության նկատմամբ վերաբերմունք»,- ընդգծել է Պուտինը։

Իր հերթին ԱԴԾ Հասարակայնության հետ կապերի կենտրոնը հայտնել է կանխված հարձակման մանրամասները։

«Անվտանգության դաշնային ծառայությունը Քննչական կոմիտեի հետ միասին ձերբակալել է Ռուսաստանում արգելված «Նացիոնալ-Սոցիալիզմ/Սպիտակ ուժ» նեոնացիստական ​​ահաբեկչական կազմակերպության մի խումբ անդամների՝ Ռուսաստանի քաղաքացիների, ովքեր Ուկրաինայի Անվտանգության ծառայության հանձնարարությամբ ծրագրել են հասարակական գործիչ, հայտնի լրագրող Վլադիմիր Սոլովյովի սպանությունը»,- հայտնել են ԱԴԾ-ից։

Հանցավոր խմբի անդամներն արդեն խոստովանական ցուցմունքներ են տալիս։ Վ.Սոլովյովի ծրագրված սպանությունից հետո նրանք ակնկալում էին թաքնվել արտասահմանում։