С-400 և Իսկանդեր. Մինսկը «կտեսնի» մինչեւ Բեռլին

Բելառուսի նախագահ Ալեքսանդր Լուկաշենկոն պետական ​​պաշտպանության պատվերի համար հանդիպման ժամանակ ասել է, որ հանրապետության բանակը և նրա ղեկավարությունը միանգամայն գոհ են սահմանները պահպանող С-400 հակաօդային պաշտպանության համակարգերից։

«Ռուսաստանի հետ պայմանավորվել ենք, որ հավանաբար կթողնենք С-400-ները, որոնք Մինսկից «կտեսնի» մինչև Բեռլին: С-400-ները լավ տեխնիկա են, պաշտպանության նախարարի հետ պայմանավորվել ենք, որ նա ուղղակի մի քանի խմբավորում կպատրաստի, եւ տղաները կտիրապետեն այդ տեխնիկան»,- ասել է Լուկաշենկոն։

Բելառուսի նախագահն ասել է, որ իր երկիրը «Իսկանդեր» հրթիռային համակարգերի կարիք եւս ունի։ Նրա խոսքով՝ ինքն արդեն պայմանավորվել է ռուսական կողմի հետ «Իսկանդերներ»-ի ձեռքբերման շուրջ, որոնք օգտագործվելու են բացառապես երկրի պաշտպանության համար։