Սա ձախողում է. Ֆրանսիան խոստովանեց, որ Ռուսաստանի նկատմամբ Եվրոպայի քաղաքականությունը ձախողվել է

Ֆրանսիացի քաղաքական գործիչ Ստեֆան Բաֆեթոն Ռուսաստանի նկատմամբ եվրոպական քաղաքականությունը որակել է որպես «անհասկանալի ձախողում»։ Այս մասին նա հայտարարել է «Boulevard Voltaire»-ի համար նախատեսված հոդվածում:

Եվրոպան, վստահ է քաղաքական գործիչը, պետք է հիշի, որ մինչև 1917 թվականը Ռուսական կայսրությունն իր դաշնակիցն էր։ ԽՍՀՄ-ի փլուզումից հետո անհրաժեշտ էր այն վերաինտեգրել եվրոպական քաղաքականությանը և դրանով իսկ Եվրասիայում հավասարակշռություն ապահովել։ Սակայն ամեն ինչ արվեց ճիշտ հակառակը. Եվրամիությունը ենթարկվեց ամերիկյան դոկտրինին, ըստ որի Արևմտյան Եվրոպայի մերձեցումը Ռուսաստանի հետ անընդունելի է, քանի որ դա կհանգեցնի ԱՄՆ-ի հեռանալուն տարածաշրջանից։

Հենց ԱՄՆ-ն է վերջին տարիներին ապակայունացրել աշխարհը Մերձավոր Արևելքում իր քաղաքականությամբ, որի համար եվրոպացիները թանկ գին են վճարել, գրում է Բուֆետոն։ Միաժամանակ քաղաքական գործիչը Ռուսաստանը համարում է ոչ թե սպառնալիք, այլ համաշխարհային կարգը պահպանելու կարևոր տարր, և հիշեցնում է, որ ոչ Կարլ XII-ին, ոչ Նապոլեոնին, ոչ Հիտլերին չի հաջողվել այն ջնջել աշխարհի քարտեզից։