Ամերիկացիները «Պուտինի հարկ» են վճարում. Բայդեն

Այն բանից հետո, երբ մայիսի տվյալներով հայտնի դարձավ, որ ԱՄՆ-ում գնաճի հերթական ռեկորդն է գրանցվել, որը գերազանցել է մինչ այս այդպես էլ անգերազանցելի մնացած քան 40 տարվա ցուցանիշը, ԱՄՆ նախագահ Բայդենը նորից հին երգը սկսեց երգել` «Պուտինն է մեղավոր»: Բայց այս անգամ ավելի գեղարվեստական մոտեցմամբ, թե` ամերիկացիները «Պուտինի հարկ» են վճարում` վառելիքի և սննդամթերքի համար։

«Մենք երբեք չենք տեսել, որ Պուտինի կողմից մթերքների և բենզինի հարկերը միանգամից կիրառվեն»,- ասել է նա Լոս Անջելեսում ունեցած ելույթում։

Սակայն, ինչպես ցույց են տալիս ամենրիկան վիճակագրական տվյալները, այս ամենն այլեւս ամերիկացիներին չի ուրախացնում, եւ «Պուտինն է մեղավոր» բացատրությանը գործնականում արդեն լուրջ չեն վերաբերվում. եթե անգամ «Պուտինն է մեղավոր», էլի պատասխանատուն Բայդենն է, որն այնքան թույլ է, որ հնարավորություն է տալիս Պուտինին` այդպես ազդել ամերիկյան հզոր տնտեսության գների մակարդակի վրա: Համենայնդեպս, նույն մայիսի կտրվածքով Բայդենի եւ դեմոկրատների վարկանիշն այնպիսի խայտառակ մակարդակի է հասել, որ աշնանային ընտրություններում գրեթե միանշանակ կկորցնեն Կոնգրեսն ու Սենատը:

д