- 14/06/2022
Թուրքիայի կոշտ դիրքորոշումը ՆԱՏՕ-ի համար անակնկալ էր. Ստոլտենբերգ
Թուրքիայի կոշտ դիրքորոշումը Շվեդիայի և Ֆինլանդիայի՝ ՆԱՏՕ մտնելու հարցում դաշինքի համար անակնկալ էր։
Այս մասին Financial Times-ին տված հարցազրույցում հայտարարել է դաշինքի գլխավոր քարտուղար Յենս Ստոլտենբերգը։
«Մենք հիմք չունեինք ենթադրելու, որ այս հարցում [Շվեդիայի և Ֆինլանդիայի՝ ՆԱՏՕ մտնելու] հետ կապված խնդիրներ կլինեն»,- ասել է նա։
Նրա խոսքով, դաշինքը պետք է ուշադրություն դարձնի Անկարայի մտահոգություններին, քանի որ «Թուրքիան կարեւոր դաշնակից է»։
Ավելի վաղ Էրդողանը հայտարարել էր, որ Շվեդիան ու Ֆինլանդիան չեն անդամակցի ՆԱՏՕ-ին՝ առանց Թուրքիայի պայմանները կատարելու։ Գլխավորներից մեկն այս երկրների կողմից «Քրդստանի աշխատավորական կուսակցության» և նմանատիպ կազմակերպությունների ահաբեկչական ճանաչումն է։
