Կիևում ընդունել են օրական մինչեւ 1000 մարդու կորուստի փաստը

Կիևում ընդունել են օրական մինչեւ 1000 մարդու կորուստի փաստը:

Նրանցից միջինը 200-ից 500-ը սպանվում են, ևս շատերը` վիրավորվում, ասել է «Ժողովրդի ծառա» խմբակցության ղեկավար Դեյվիդ Արախամիան, ով այժմ գտնվում է Վաշինգտոնում: Նրա խոսքերը մեջբերում է Axios կայքը։

Ավելի վաղ Զելենսկին ասել էր, որ օրական 60-ից 100 ուկրաինացի զինվոր է մահանում։ Այդ թիվը զգալիորեն աճել է վերջին երկու շաբաթվա ընթացքում, ասել է Արախամիան:

Քաղաքական գործիչն ասում է, որ Ուկրաինան մեկ միլիոն մարդ է զորակոչել բանակ և ունի ևս 2 միլիոն հավաքագրելու հնարավորություն, ուստի բավական ուժ ունի Դոնբասում պայքարը շարունակելու համար։

Ռուսաստանին դիմակայելու համար Ուկրաինային պակասում է զենքն ու զինամթերքը։

«Մեր բանակցային դիրքորոշումն իրականում բավականին թույլ է, մենք չենք ուզում նստել բանակցությունների սեղանի շուրջ, եթե նման դիրքում ենք։ Մենք պետք է ինչ-որ կերպ շրջենք իրադարձությունները»,- ասել է Արախամիան՝ հայտարարելով տարածքները վերադարձնելու համար Ուկրաինայի զինված ուժերի հակահարձակման անհրաժեշտության մասին։