Ռուսական ուժերը ճեղքել են Բախմուտի ուղղությամբ ճակատը (Քարտեզ)

Երեկ Կլինովո բնակավայրի գրավմամբ կտրուկ վատթարացավ ուկրաինական ուժերի վիճակը նաեւ հյուսիսային Դոնբասի մարտերում առանցքային դեր ունեցող Բախմուտի (Արտյոմովսկ) ուղղությամբ (տե´ս քարտեզը): Բանն այն է, որ մինչ Կլինովոն, ռուսական ուժերը գրավել են նաեւ Զայցեւո բնակավայրը, եւ այդ երկու բնակավայրերի վերահսկողությունը ստեղծում է ուղիղ Բախմուտին ուղղված ճակատային գիծ:

Ռուսական ուժերին այդ հարձակման համար անհրաժեշտ է նաեւ ազապահովել թեւերը, եւ այդ առումով Ուգլեդարի ՋԷԿ-ի ուղղությամբ ընթացող հարձակումը գործնականում ստեղծել է հերթական կաթսան, որն այսօր, մեծ հավանականությամբ, արդեն կփակվի:

Իսկ Բախմուտի գրավումը հարավից ճանապարհ է բացում հյուսիսային Դոնբասում ուկրաինական պաշտպանական հիմնական գոտու` Սլավյանսկ-Կրամատորսկի ուղղությամբ, որին ռուսական ուժերը մոտենում են նաեւ հյուսիսից: