Այսօրվանից ՌԴ-ում ԱՄՆ դեսպանատունը գործում է «Դոնեցկի Ժողովրդական Հանրապետության» հրապարակ, շենք 1 հասցեում

Այսուհետեւ Ռուսաստանի Դաշնությունում ամերիկյան դիվանագիտական ​​ներկայացուցչությունը կգործի «Դոնեցկի Ժողովրդական Հանրապետության» հրապարակ, շենք 1 հասցեում։

Այս որոշումը ստորագրել է Մոսկվայի քաղաքապետ Սերգեյ Սոբյանինը։

Հիշեցնենք, որ Մոսկվանում ԱՄՆ  դեսպանատան առաջ գտնվող անանաւոն հրապարակի համար անվանում է ընտրվել էլեկտրոնային քվեարկությամբ։ Ընդհանուր առմամբ, մոսկվացիներին առաջարկվել է անվանման 3 տարբերակ. հաղթող տարբերակից բացի, հրապարակը կարող էր կոչվել «Դոնբասի պաշտպանների» կամ ի պատիվ Վլադիմիր Ժոգայի։ Մեծամասնությունը նախընտրեց «Դոնեցկի Ժողովրդական Հանրապետության հրապարակ» տարբերակը:

Հետաքրքիր է լինելու, չէ՞, թե ամերիկացիներն այդ հասցեն ինչպես են տեղադրելու իրենց պաշտոնական փաստաթղթերի տակ:

Բացի այդ, Գերմանիայի դեսպանատան մոտ գտնվող հրապարակը եւս անանուն է, եւ այստեղ էլ օրակարգում է «Լուգանսկի Ժողովրդական Հանրապետության հրապարակ» տարբերակը։