Առաջին կոնտեյներային գնացքը Ռուսաստանից Հնդկաստան է մեկնել Հյուսիս-Հարավ միջանցքի արևելյան ճյուղով

«ՌԵՈՒ Լոգիստիկա» ԲԲԸ-ն («ՌԵՈՒ»-ի՝ «Ռուսական երկաթուղիների կառույց) Ռուսաստանից Հնդկաստան է ուղարկել լրիվ կոնտեյներային գնացք։

Առաջին անգամ այն ​​կանցնի «Հյուսիս-Հարավ» ցամաքային միջանցքի արևելյան ճյուղով՝ օգտագործելով Ռուսաստանի, Ղազախստանի, Թուրքմենստանի, Իրանի և Հնդկաստանի տրանսպորտային ենթակառուցվածքները, հայտնում է «Ռուսական երկաթուղիները»։

Մերձմոսկովյան Չեխով կայարանից մեկնարկել է առաջին գնացքը։ Փոխադրումը կլինի ինտերմոդալ՝ ճանապարհի մի մասն անցնելու է ծովով։ Վերջնական նպատակակետը Նավա Շևա նավահանգիստն է (Մումբայ, Հնդկաստան):

Երթուղու երկարությունը ավելի քան 8 հազար կմ է, տարանցման մոտավոր ժամանակը 35-37 օր։

Երթուղին թույլ կտա ռուս արտահանողներին զարգացնել վաճառքի շուկաները ոչ միայն Հնդկաստանում, Պարսից ծոցի երկրներում, այլև Աֆրիկայում, նշում է «Ռուսական երկաթուղիները»։