Մեդվեդևը աշխարհին խոստացել է նավթի 400 դոլարից բարձր գին

ՌԴ Անվտանգության խորհրդի փոխնախագահ, երկրի նախկին նախագահ եւ վարչապետ Դմիտրի Մեդվեդևը գնահատել է նավթի գնագոյացման հեռանկարները և Ճապոնիայի վարչապետ Ֆումիո Կիսիդայի կասկածելի նախաձեռնությունը։

«Ճապոնիայի վարչապետ Կիսիդան վերջերս հայտարարեց, որ ռուսական նավթի գնի առաստաղը սահմանվելու է ներկայիս մակարդակի կեսի չափով: Գումարած, կստեղծվի մեխանիզմ, որը թույլ չի տա մեր նավթը գնել սահմանվածից բարձր գնով։

Ճապոներենից ռուսերեն թարգմանված սա նշանակում է.

1. Շուկայում նավթը զգալիորեն քիչ կլինի, իսկ դրա գինը շատ ավելի բարձր կլինի։

Ընդ որում, ավելի բարձր, քան կանխատեսված աստղաբաշխական գինը՝ 300-400 դոլար։ Համեմատեք գազի գնի դինամիկայի հետ:

2. Բայց Ճապոնիան Ռուսաստանից ո´չ նավթ կստանա, ո´չ՝ գազ։ Ինչպես նաեւ չի ունենա մասնակցություն Սախալին-2 նախագծին։ Արիգատո! (շնորհակալություն, ճապոներեն)»,- Telegram-ում ամփոփել է Մեդվեդևը։