Ով է Ջոնսոնին փոխարինող ամենահավանական թեկնածուն

Գանձապետարանի նախկին կանցլեր Ռիշի Սունակը «Պահպանողական» կուսակցության անդամների շրջանում հաջորդ առաջնորդի ամենահայտնի թեկնածուն է։

Նման արդյունքներ է ցույց տվել Opinium-ի հարցումը Channel 4 News-ի համար, հայտնում է The Guardian-ը։

Ըստ հարցման՝ Սունակը ստացել է ձայների 25%-ը, արտաքին գործերի նախարար Լիզ Թրասը՝ 21%-ը, իսկ պաշտպանության նախարար Բեն Ուոլեսը՝ 12%-ը։

The Guardian-ը հայտնում է նաև, որ Թորիների նախկին համանախագահ Օլիվեր Դաուդենը պաշտպանել է Ռիշի Սունակի թեկնածությունը ղեկավարի պաշտոնում:

«Ռիշին մեր երկիրը ղեկավարելու լավագույն մարդն է և, անկասկած, լեյբորիստներին հաղթելու լավագույն մարդն է: Այդ իսկ պատճառով ես նրան սատարում եմ, որպես մեր հաջորդ վարչապետ»,- ասաց նա։

Ի դեպ այն, որ քանիցս խայտառակ սկանդալների մեջ հայտնված արտգործնախարար Լիզ Թրասը կուսակցության ներսում 21 տոկոսանոց վածկանիշ ունի, գալիս է հուշելու, որ բրիտանական պահպանողականները որակյալ կադրերի լուրջ խնդիր, այնուամենայիվ, ունեն: