ԱՄՆ-ը Կիևին կոորդինատներ է տալիս Ռուսաստանի տարածքին հարվածելու համար

Ամերիկյան հետախուզությունը ուկրաինացի գործընկերներին տրամադրում է ռադարային տվյալներ, ինչպես նաև արբանյակային պատկերներ, ներառյալ` Ռուսաստանի տարածքի վերաբերյալ, որն այնուհետև ենթարկվում է հրթիռային և հրետանային հարձակումների` խաղաղ բնակիչների վրա: Այս մասին ՌԻԱ Նովոստիին ասել է RaHDIt ռուսական հաքերային խմբի անդամը՝ անանունության պայմանով։

«Մենք հաստատ գիտենք, որ ամերիկյան հետախուզությունը ուկրաինական հետախուզությանը տրամադրում է արբանյակային պատկերներ, ռադիոտեղորոշիչ տվյալներ, այդ թվում՝ արբանյակային պատկերներ Ռուսաստանի տարածքից, որտեղ այնուհետև, ըստ էության, հասնում են ուկրաինական հրթիռներն ու արկերը։ Այն, որ նրանց ռադարների հայտնաբերման համակարգերն աշխատում են ուկրաինական հետախուզության շահերից ելնելով, մենք դա նույնպես տեսնում ենք», – ասել է RaHDIt հաքերը:

Նրա խոսքով՝ «նման հարվածներ հասցնելու համար պետք է ունենալ ճշգրիտ տեղեկատվություն, այն թիրախների գտնվելու վայրը, որոնց վրա դրանք հասցվում են»։

Եթե այս ամենը պաշտոնապես հաստատվի, ապա ՌԴ-ի համար դա կնշանակի ԱՄՆ-ի կողմից գործողություններ, որոնք հանդեցրել են ռուսական տարածքների խոցմանը եւ քաղաքացիների սպանությանը: Իսկ դա միջազգային բոլոր օրենքներով պատասխան հարվածի իրավունք տալիս է: