Պեկինն այժմ կարծում է, որ կարող է կարգավորել Թայվանի հարցը. The Diplomat

Պեկինն այժմ հավանաբար կարծում է, որ կարող է կարգավորել «իր սեփական Ուկրաինան»՝ ի դեմս Թայվանի, գրում է The Diplomat-ը:

Ուկրաինական հատուկ օպերացիայի մեկնարկից մի քանի ամիս հետո Չինաստանը կարծում է, որ կկարողանա դիմակայել ԱՄՆ-ի և նրա դաշնակիցների կողմից ցանկացած պատժամիջոցների` Թայվանը գրավելու դեպքում: Պեկինի տեսանկյունից հարցն այն է, թե արդյոք օգուտներն արդարացնո՞ւմ են ծախսերը:

Եթե ​​ՉԺՀ-ն գրավի Թայվանը, նա կստանա ամենակարևոր ռազմավարական տարածքը՝ կոտրելով այսպես կոչված «կղզիների առաջին շղթան», և կկարողանա ազատորեն տարածել իր ազդեցությունը դեպի հարավ՝ Ֆիլիպիններ, Մալայզիա և դրանից դուրս՝ մեկուսացնելով Ավստրալիան։ Հյուսիսում և արևելքում Չինաստանը կարող է շատ դժվարացնել Ճապոնիայի կյանքը, շրջապատել Հարավային Կորեան և հեռացնել ԱՄՆ-ի ներկայությունն ու ազդեցությունը:

Պեկինը տեսնում է, որ Ռուսաստանի դեմ պատժամիջոցներն արդյունավետ չեն գործում, Արևմուտքը շարունակում է գնել ռուսական ռեսուրսները, և Պուտինը, ամեն դեպքում, դուրս կգա պատերազմից՝ իր ձեռքում «ունենալով ավելի շատ Ուկրաինա, քան մինչև փետրվարի 24-ը»։