Ռուսական նորագույն «Զմեևիկ» հիպերձայնային հրթիռն ընդունակ է ոչնչացնել ավիակիրը աշխարհի ցանկացած կետում

ՏԱՍՍ-ը, հղում անելով աղբյուրներին, հայտարարել է ՌԴ-ում նոր «Զմեևիկ» հրթիռային համակարգի մշակման մասին՝ հիպերձայնային ստորաբաժանումով: Այն, ըստ աղբյուրի, կարող է ոչնչացնել թշնամու ավիակիր խումբը համաշխարհային օվկիանոսների գործնականում ցանկացած կետում:

Ենթադրվում է, որ համակարգը սպառազինության կհանձնվի ՌԴ ռազմածովային նավատորմի ափամերձ հրթիռային և հրետանային ստորաբաժանումներին։

Օտարերկրյա փորձագետներն արդեն իսկ հրթիռն անվանել են «ավիակիր սպանող»։

Naval News-ի ամերիկյան հրատարակությունը նշում է, որ «Զմեևիկը» լրջորեն կամրապնդի Ռուսաստանը, քանի որ Միացյալ Նահանգները և դաշնակիցները դեռ ի վիճակի չեն դիմակայել հիպերձայնային հրթիռներին։ Ավելին, այս հրթիռը կօգնի Ռուսաստանին՝ զրոյացնել ամերիկյան A2/AD պաշտպանության հայեցակարգը (պաշտպանությունն այնքան է գերազանցում հարձակման միջոցներին, որ հնարավոր չէ հաղթահարել առանց անթույլատրելի մեծ կորուստների)։