- 15/07/2022
Տեսնես ինչո՞ւ մերոնք այդպես էլ ոչինչ չեն սովորում
Դաշնային խորհուրդը կարծում է, որ Հյուսիսային Կորեան Ռուսաստանի «իսկական բարեկամն է»։
Դաշնային խորհրդի միջազգային հարցերով կոմիտեի նախագահի առաջին տեղակալ Վլադիմիր Ջաբարովը նշել է, որ Փհենյանի հետ հարաբերությունները պետք է զարգացնել.
«Ռուսաստանը միշտ ջերմ է վերաբերվել Հյուսիսային Կորեային։ Վերջին տարիներին, երբ մենք ունենք պետությունների հետ բարեկամության մոդա, հարաբերությունները դարձել են ավելի հավասարակշռված։ Մենք ուրախ ենք, որ Հյուսիսային Կորեան իրեն դրսևորել է որպես Ռուսաստանի իսկական բարեկամ։ Այս երկրի հետ հարաբերությունները պետք է զարգացնել»։
Սա պատասխանն է Հյուսիսային Կորեայի կողմից Դոնբասի ճանաչմանը: Ու հիմա պարզ հարց. սրանից հետո ցանկացած իրավիճակում Ռուսաստանը մինչեւ վերջ կկանգնի՞ Հս. Կորեայի թիկունքին. պատասխանն ակնհայտ է:
Եվս մեկ հարց. եթե ոչ Հայաստանը, ապա մի՞թե Արցախը առաջիններից մեկը չպետք է ճանաչեր Դոնբասի հանրապետությունների անկախությունը…
Ու տեսնես ինչո՞ւ մերոնք այդպես էլ ոչինչ չեն սովորում, բացի, իհարկե, լացելուց:
