- 16/07/2022
Չինաստանում պատմել են, թե ինչպես է ԱՄՆ-ը խաբել ԵՄ-ին` Ռուսաստանի հարցով
Ուկրաինական ճգնաժամի սրումից հետո ԱՄՆ-ն ակտիվորեն կոչ է անում Եվրամիությանը` սահմանել բազմաթիվ հակառուսական պատժամիջոցներ: Մինչդեռ ամերիկացիները դրանցից ավելի քիչ վնաս է կրում, քան եվրոպացի գործընկերները, գրում է Global Times-ի չինական հրատարակությունը։
«Քանի որ պատժամիջոցների ճնշումն ուժեղանում է, Վաշինգտոնը, որն ավելի քիչ է կախված Ռուսաստանի հետ էներգետիկայից և առևտուրից, քան Եվրոպան, ավելի քիչ վնաս է կրում: Եվրամիությունը, որը սերտորեն կապված է Մոսկվայի հետ արդյունաբերության և էներգետիկայի ոլորտներում, լուրջ հետևանքներ է ապրում, որոնք ազդում են սովորական մարդկանց, արտադրության և կյանքի վրա», – ասում է լրագրող Սիչի Կաոն:
Չինաստանի Ռենմին համալսարանի Միջազգային հարաբերությունների ինստիտուտի տնօրեն Յիվեյ Վանգն իր հերթին ասել է, որ Եվրամիությունն արդեն սկսել է մտածել՝ արդյոք իրեն «խաբե՞լ է» ԱՄՆ-ը՝ գնալով ավելի ու ավելի սահմանափակող միջոցներ կիրառելով Ռուսաստանի դեմ։
«ԵՄ պատժամիջոցների նոր՝ յոթերորդ փաթեթը կարող է մեծ մասամբ խորհրդանշական լինել, քանի որ նախաձեռնողները չեն կարողանում համաձայնության գալ շատ հարցերի շուրջ», – առաջարկել է Չինաստանի Միջազգային հետազոտությունների ինստիտուտի եվրոպական բաժնի տնօրեն Հոնցզյան Կույը:
Փորձագետներն ընդգծել են, որ Եվրոպան գնալով սկսում է գիտակցել, որ ավելի մեծ վնաս կկրի, եթե շարունակի հետևել ԱՄՆ-ին և խստացնել հակառուսական պատժամիջոցները։