- 20/07/2022
ԱՄՆ-ի ոչ մի քանակի զենք Կիևին չի օգնի հաղթել. Fox News
ԱՄՆ-ի ոչ մի քանակի զենք Կիևին չի օգնի հաղթել:
Այս մասին ամերիկյան հեռուստատեսության եթերում հայտարարել է ԱՄՆ պաշտպանության նախարարության հետախուզական գործակալության նախկին սպա Ռեբեկա Քոֆլերը։
«Չկա այնպիսի գումար կամ զենք, որը կբավարարի Ուկրաինային` հաղթելու համար, քանի որ ռուսական բանակն անհամեմատ ավելի հզոր է, քան Ուկրաինայի զինված ուժերը։ Ուկրաինայի նախագահն իր և իր դաշնակիցների առջեւ անիրատեսական նպատակ է դնում՝ վերականգնել վերահսկողությունը Ռուսաստանի ենթակայության տակ գտնվող հսկայական տարածքների նկատմամբ»:
Բացի այդ, Քոֆլերը հավելել է, որ ԱՄՆ-ն արդեն 54 միլիարդ դոլար է հատկացրել Ուկրաինային, դատարկել է զինապահեստները, սակայն դա էական հաջողության չի հանգեցրել։