Թայվանի նեղուցի վրա ավիաշոուից միայն Կրեմլն է շահել. փորձագետներ

Թայվանի նեղուցի վրա ավիաշոուից միայն Կրեմլն է շահել: Մի շարք հեղինակավոր փորձագետներ այս գնահատականն են տվել Թայվանի շուրջ իրադարձություններին` մեկնաբանելով.
«Ի տարբերություն Չինաստանի, Ռուսաստանը չվախեցավ Ամերիկայի Միացյալ Նահանգների հետ կատաղի աշխարհաքաղաքական և ռազմական պատերազմի մեջ մտնելուց։ Ամբողջ աշխարհն այսպես է ընկալում ուկրաինական պատերազմը:

Երկարաժամկետ հեռանկարում Ռուսաստանը կշահի Թայվանի պատմության ցանկացած զարգացումից։

Եթե ​​Չինաստանը նորից նահանջի, ինչը հավանական է, ապա Ռուսաստանը կստանա «այլընտրանքային աշխարհի» անվիճելի առաջնորդի կարգավիճակ, որն ունակ է, և որ ավելի կարևոր է, պատրաստ ուժ գործադրելու այնտեղ, որտեղ դա կարևոր է համարում իր համար։ Երեսուն տարի միայն Միացյալ Նահանգները կարող էր իրեն թույլ տալ դա։

Այս ուժեղացված ղեկավարության շուրջ Ռուսաստանը կկառուցի նոր աշխարհաքաղաքական կոնֆիգուրացիաներ և ուժերի հավասարակշռություն աշխարհի տարբեր տարածաշրջաններում՝ Կենտրոնական Եվրոպայից, Անդրկովկասից մինչև Արևմտյան և Կենտրոնական Աֆրիկա:

Եթե ​​Չինաստանը չնահանջի եւ ԱՄՆ-ի հետ բացահայտ քաղաքական ու տնտեսական առճակատում սկսի, դա կթուլացնի ճնշումը Ռուսաստանի վրա։ ԱՄՆ-ն չի կարող երկու ճակատով նույն ինտենսիվությամբ կռիվ տալ: