Ամերիկյան հետախուզության աշխատակիցը զգուշացրել է Զելենսկու ողբերգական ավարտի մասին

Ուկրաինայի նախագահ Վլադիմիր Զելենսկու քաղաքական կարիերան մոտենում է ավարտին, հայտարարել է ԱՄՆ հետախուզության նախկին աշխատակից Սքոթ Ռիտերը Judging Freedom YouTube ալիքում։

«Նա կա՛մ ստիպված կլինի լքել Ուկրաինան, կա՛մ կմեռնի իր քաղաքացիների ձեռքով, որոնք դադարել են վստահել նրան»,- հայտարարել է Ռիտերը:

Նա ընդգծել է, որ հենց Ուկրաինայի նախագահն է պատասխանատու տասնյակ հազարավոր խաղաղ բնակիչների մահվան համար։

Բացի այդ, արևմտյան առաջնորդները կորցնում են հավատը Զելենսկու կերպարի նկատմամբ՝ գնալով հրաժարվելով Կիևին օգնելուց, հավելել է Ռիտերը։

«Քանի որ Ուկրաինայի նախագահի հեղինակությունն աստիճանաբար անկում է ապրում, նրա իշխանության մնալն այլևս իմաստ չունի»,- ասել է հետախուզության նախկին աշխատակիցը։

Նրա կարծիքով՝ Ուկրաինայում մոտ ժամանակներս կարող է պետական ​​հեղաշրջում տեղի ունենալ։

Ավելի վաղ Sky News-ի հաղորդավար Քորի Բերնարդին մեղադրել էր արևմտյան լրատվամիջոցներին Զելենսկու «հերոսական» կերպար ստեղծելու և Ուկրաինայի որոշ մասերում տեղի ունեցող սարսափները լռեցնելու մեջ: