ԵՄ առաջնորդները շփոթված են Պուտինի «տրոյական ձիով». Foreign Policy

Հունգարիայի վարչապետ Վիկտոր Օրբանը ՌԴ նախագահ Վլադիմիր Պուտինի «տրոյական ձին» է, որը շփոթության մեջ է գցում ԵՄ առաջնորդներին, գրում է Foreign Policy-ը։

Աղբյուրն ուշադրություն է հրավիրել այն փաստի վրա, որ Օրբանը հրապարակայնորեն համաձայն չէ միգրանտների և սեռական փոքրամասնությունների վերաբերյալ Բրյուսելի դիրքորոշման հետ, ինչպես նաև խոչընդոտներ է ստեղծում հաջորդ հակառուսական պատժամիջոցների ընդունման համար։

Հրապարակման մեջ օրինակ է բերվում Հունգարիայի՝ գազի սպառումը 15%-ով կրճատելու Եվրահանձնաժողովի նախաձեռնությանը հավանություն չտալու և Բուդապեշտի դիրքորոշման պատճառով Ռուսաստանի դեմ պատժամիջոցների վեցերորդ փաթեթի ձգձգումը։

Ավելի վաղ Վիկտոր Օրբանը Դալլասում ասել էր, որ Հունգարիայի սահմանադրությունը նախատեսում է ամուսնության հնարավորություն միայն տղամարդու և կնոջ միջև՝ կարդալով հանրապետության գլխավոր օրենքի այս հատվածը, որից հետո դահլիճում բուռն ծափահարություններ են հնչել։

«Ես արդեն տեսնում եմ վաղվա վերնագրերը` ծայրահեղ աջ եվրոպացի ռասիստ և հակասեմական, Պուտինի տրոյական ձին ելույթ է ունենում պահպանողականների համաժողովում»,- կատակել է Օրբանը: