Ուկրաինան միջուկային ահաբեկչություն է կատարել. Զելենսկին հրամա՞ն է կատարել

ՌԴ պաշտպանության նախարարությունը հայտարարել է Կիևի ռեժիմի «միջուկային ահաբեկչության» մասին։

«Օգոստոսի 7-ին Զելենսկու ռեժիմը միջուկային նոր ահաբեկչություն կատարեց Զապորոժիեի ԱԷԿ-ի էներգետիկ ենթակառուցվածքի օբյեկտներում՝ Խերսոնի և Զապորոժիեի շրջաններում հումանիտար աղետ ստեղծելու նպատակով։

Ժամը 12:40-ի սահմաններում 44-րդ հրետանային բրիգադի ուկրաինական ստորաբաժանումները տարածքից Կախովկայի ջրամբարի հակառակ ափին գտնվող Մարգանեց գյուղից հրետակոծվել է Զապորոժժիայի ատոմակայանը։

Ուկրաինական գնդակոծության արդյունքում վնասվել է բարձրավոլտ գիծը, որը էլեկտրաէներգիա է մատակարարել Զապորոժիեի և Խերսոնի շրջաններին։ Զապորոժիեի ԱԷԿ-ում էլեկտրաէներգիայի լարման կտրուկ աճ է տեղի ունեցել, ինչից ծուխ է առաջացել կայանի բաց անջատիչ սարքերում։

Պաշտպանական համակարգը նույնպես անջատվել է՝ անջատելով էլեկտրամատակարարումը։

Ժամանած հրշեջներին հաջողվել է վերացնել ծուխը։ ԱԷԿ-ի տեխնիկական անձնակազմի կողմից ատոմակայանի շահագործման խափանումները կանխելու համար 5-րդ և 6-րդ էներգաբլոկների հզորությունը կրճատվել է մինչև 500 ՄՎտ»,- ասել է գերատեսչության պաշտոնական ներկայացուցիչ Իգոր Կոնաշենկովը։

Իսկ ահա միջազգային փորձագետները փաստել են, որ նման իրավիճակն ատոմակայանների համար ծայրահեղ վտանգավոր է: Դա ի զորու է հասցնել տեխնոծին միջուկային աղետի, որի հետեւանքները ծայրահեղ ծանր կլինեն ոչ միայն ԱԷԿ-ին հարակից տարածքների, ոյլ գործնականում ողջ Հարավային Եվրոպայի համար: Ընդ որում, սա ամենեւին էլ Զապորոժիեի ԱԷԿ-ի վրա Զելենսկու վարչակազմի առաջին հարձակումը չէ: Այսինքն, մեծ է հավանականությունը, որ գրոհը կկրկնվի:

Իսկ այն, որ Զապորոժիեի ԱԷԿ-ում տեխնոծին աղետը ձեռնտու է միայն ԱՄՆ-ին, որն այդպիսով մի շարք ռազմավարական հարցեր կլուծի, այդ թվում` Եվրոպայում, դժվար չէ նկատել: Եվ քիչ չեն փորձագետները, որոնք լուրջ կասկածներ ունեն, որ Զելենսկին ամենեւին էլ այն ֆիգուրան չէ, որ նման մասշտաբային որոշումներ կայացնի` առանց հստակ հանձնարարության: