ԴԺՀ-ի զորքերը ճեղքել են հակառակորդի ամուր Գորլովկայից հյուսիս (Քարտեզ, Ֆոտո)

ԴԺՀ-ի զորքերը ճեղքելով հակառակորդի ամուր, դեռ դոնբասյան առաջին պատերազմից ստեղծված պաշտպանական շրջանը Գորլովկա առանցքային բնակավայրից հյուսիս` Զայցևո բնակավայրի ուղղությամբ, գրավել են այն: Գործողության ընթացքում ուկրաինական կողմը կրել է լուրջ կորուստներ, այդ թվում` ռազմագերիների տեսքով (լուսանկարում):

Այս հատվածում պաշտպանության ճեղքումը կարեւոր է նրանով, որ նախ` տվյալ ուղղությունից երկար տարիներ գնդակոծում էին Գորլովկա քաղաքը: Նաեւ, որ մի փոքր այելի հյուսիս ուկրաինական ուժերի պաշտպանական կարեւոր բնագիծն է` Բախմուտը, եւ Գորլովկայի ուղղությամբ ճեղքումը սպառնում է Բախմուտի տարածաշրջանը «կաթսայի» մեջ վերցնելու հեռանկարով: