Եվրոպան սպառել է Ռուսաստանի դեմ նոր պատժամիջոցների ռեսուրսները. The Wall Street Journal

Ինչպես գրում են ամերիկացի լրագրողները, եվրոպական երկրներն արդեն «ցավ են զգում» Ռուսաստանի հետ տնտեսական պատերազմից, սակայն Եվրամիությունը դեռ պատրաստ չէ նահանջել պատժամիջոցների քաղաքականությունից, քանի որ այլ հնարավորություն չի տեսնում Ռուսաստանի վրա ազդելու համար։ Սակայն, ինչպես պարզել է The Wall Street Journal-ը, որոշ արևմտյան քաղաքական գործիչներ ընդունում են, որ Եվրոպան ինքն է տուժում պատժամիջոցների քաղաքականությունից և կոչ են անում նվազեցնել լարվածությունը։

Արդեն որոշ արևմտյան քաղաքական գործիչներ սկսում են կասկածի տակ դնել Ռուսաստանի դեմ պատժամիջոցների իմաստությունը, և լարվածությունը նվազեցնելու համար ավելի մեծ ջանքեր գործադրելու ավելի հնչեղ կոչեր են հնչում: Առավել եւս, որ Եվրոպան արդեն պարզապես նոր պատժամիջոցների հնարավորություն չունի. ինչ կարող էր, արդեն կիրառել է, եւ ունի ներկա արդյունքը, գրում է լրատվամիջոցը:

Ռուսաստանի հետ առճակատումը հատկապես դժվար է Արեւմտյան Եվրոպայի քաղաքական գործիչների համար, հավելում է լրագրողը։ Օրինակ, Ֆրանսիայի նախագահ Էմանուել Մակրոնի կուսակցությունը վերջերս կորցրեց իր խորհրդարանական մեծամասնությունը այն բանից հետո, երբ հակառակորդները օգտվեցին բարձր գնաճից՝ նրան պիտակավորելով որպես առաջնորդ, ով անտեսում է միջին ֆրանսիական ընտանիքների գրպանի խնդիրները: