Եվրոպայի խոշորագույն երկրները դադարեցրել են Ուկրաինային ռազմական խոստումներ տալ. Politico

Եվրոպայի վեց խոշորագույն երկրները հուլիսին Ուկրաինային նոր երկկողմ ռազմական խոստումներ չեն տվել, գրում է Politico-ն՝ վկայակոչելով Կիլի Համաշխարհային տնտեսության ինստիտուտի տվյալները։

Ըստ հետազոտողների՝ դա առաջին անգամ է տեղի ունեցել փետրվարի վերջին ռազմական գործողությունների սկսվելուց հետո։

Կիլի ինստիտուտի հետազոտությունների տնօրեն Քրիստոֆ Թրեբեշը Politico-ին ասել է, որ Ուկրաինային ռազմական օգնություն տրամադրելու Եվրոպայի պարտավորությունները ապրիլի վերջից նվազման միտում ունեն:

«Չնայած մարտերը թեւակոխել են կրիտիկական փուլ, օգնության նոր նախաձեռնությունները չորացել են», – ասաց Թրեբեշը: