- 19/08/2022
Ռուսական նավատորմին առաջարկվել է վերադարձնել մարտավարական միջուկային զենքը
Ռուսաստանի ռազմածովային ուժերի նավերը կրկին պետք է զինված լինեն մարտավարական միջուկային զենքով, ՌԻԱ Նովոստիին ասել է Սարովի միջուկային կենտրոնի պատվավոր գիտական ղեկավար, ակադեմիկոս Ռադիյ Իլկաևը։
«Մենք մեծ ծովային տերություն ենք և պետք է ունենանք պաշտպանության համար համապատասխան նավատորմ։ Բայց նման նավատորմ կառուցելու համար 100 տարի է պետք, դա շատ թանկ արժե։ Միևնույն ժամանակ անհրաժեշտ է պաշտպանել հասանելի միջոցներով՝ վերադարձնել մարտավարական միջուկային զենքը, դրանք գտնվում են պահեստներում»,- ասաց ակադեմիկոսը։
Նա հիշեցրել է, որ նման որոշում՝ սպառազինությունների կրճատում, ընդունել է ԽՍՀՄ նախագահ Միխայիլ Գորբաչովը՝ ամերիկացիների հետ համաձայնությամբ։
«Ինչո՞ւ. Հիմա շատերն ասում են, որ մեր նավատորմը նախկինի պես հզոր չէ։ Բայց եթե վերադարձնենք նրա պաշտպանությունը… Բայց պաշտոնական պայմանավորվածություն չկա։ Սա, կարելի է ասել, «ջենթլմենական համաձայնություն է», – ասել է Իլկաևը:
Ներկայումս ռազմածովային նավատորմում ծառայության մեջ են միայն ռազմավարական միջուկային սուզանավերը՝ բալիստիկ հրթիռներով, որոնք կարող են միջուկային մարտագլխիկներ կրել։