Կիևի փորձը գրավել ԶԱԷԿ-ը. իրականում ինչ տեղի ունեցավ (+քարտեզներ)

Ռազմաքաղաքական փորձագետ Յուրի Պոդոլյակը ներկայացրել է, թե իրականում այսօր ինչ է տեղի ունեցել Զապորոժյերի ատոմակայանում: Ինչպես են ուկրաինական ուժերը փորձել գրավել կայանը եւ ինչ ավարտ ունեցավ այդ փորձը:

«ՌԴ ՊՆ հաղորդագրությունից հետո Կախովկայի ջրամբարում դեսանտային զորքերով երկու նավ խորտակելու մասին (որը լիովին հաստատեց իմ առավոտվա ենթադրությունը), ամեն ինչ պարզ դարձավ Ուկրաինայի Զինված ուժերի կողմից ԶԱԷԿ-ի տարածքը գրավելու ծրագրի հետ կապված:

Պլանը սա էր. մինչև ՄԱԳԱՏԷ-ի առաքելության Էներգոդար ժամանելը, Ուկրաինայի Զինված ուժերի հատուկ օպերացօիաների ուժերը, համագործակցելով այլ ստորաբաժանումների հետ և հյուսիսային ափից հրետանու քողի տակ, պետք է վերահսկողության տակ վերցներ կայանի տարածքը, որն էլ պետք է արձանագրեր ՄԱԳԱՏԷ-ի առաքելությունը:

Ես կսկսեմ հետապատմությունից: Մի քանի օր առաջ, երբ ՄԱԳԱՏԷ-ի ղեկավարությունը հայտարարեց ոչ միայն կայան այցելելու, այլեւ այնտեղ մշտական ​​դիտորդներ թողնելու իր ծրագրերի մասին, դա ինձ տարակուսեց։ Դա նման էր Ռուսաստանի հետ նույն խաղը խաղալը, քանի որ մշտական ​​առաքելությունն այս ոլորտում թույլ կտա վերացնել գնդակոծության խնդիրը: Բայց, ինչպես պարզվեց այսօր, սա նախատոսված էր ոչ թե Ռուսաստանի, այլ` Կիևի համար:

Բայց անցնենք այսօրվա իրադարձություններին։ Գիշեր Ուկրաինայի Զինված ուժերի հատուկ նշանակության խմբավորումը ափ դուրս եկավ ԶԱԷԿ-ի հյուսիս-արևելքում գտնվող ամառանոցների տարածքում, և առավոտվա ժամը 5-ի դրությամբ գաղտնի զբաղեցրեց հարձակման մեկնարկային բնագծերը (ՌԴ ՊՆ-ն պնդում է, որ դա տեղի է ունեցել ավելի ուշ, բայց դա այնքան էլ կարևոր չէ): Նրանց խնդիրն էր` ճեղքել կայանի տարածք և ապահովել հիմնական դեսանտային խմբի ժամանումը։

Ժամը 05:20-ին Ուկրաինայի զինված ուժերի հրետանին կրակ է բացել կայանի տարածքում գտնվող ՌԴ ԶՈՒ դիրքերի վրա, իսկ ժամը 06:00-ի սահմաններում սկսվել է զորքերի առաջին ալիքի գրոհը։

Միևնույն ժամանակ Նիկոպոլից հեռացավ երկրորդ ալիքը (2 նավ), որը կարող էր տանել մինչև հետևակային գումարտակ՝ ուժեղացված ականանետներով (գումարած զինապաշարը)։ Հաշվի առնելով հեռավորությունը՝ ԶԱԷԿ-ի նավամատույց ժամանելու հաշվարկային ժամը եղել է մոտ 7:30-ը։

Այս պահին առաջապահ ջոկատը պետք է դիրքերից դուրս մղեր ՌԴ Ազգային գվարդիայի ուժերը և ներխուժեր կայանի տարածք։ Բայց ռուսական զորքերը դիմակայեցին առաջին հարվածին, և մոտ 07:00-ին ռուսական ավիացիան (կամ ուղղաթիռները) խորտակեցին երկու նավը` երկրորդ էշելոնով, որից հետո գրավման ամբողջ պլանը խափանվեց: Առաջին խմբի մի մասը հեռացավ ափ դուրս գալու վայր, որտեղ այն սեղմվեց:

Այսպիսով, կարելի է փաստել, որ, այո, պլանը գեղեցիկ էր (և կարծես թե հայտնի է դարձել նաև ռուսական հետախուզությանը): Բայց պլանը փլուզվեց և հանգեցրել է Ուկրաինայի զինված ուժերիառաջին խմբի երկու դասակի երկրորդ ալիքի գումարտակի կորստին` նավերի վրա: Այսինքն՝ մոտ 400 մարդ։ Առանց որևէ արդյունքի։

Ավելին, այժմ Կիևը նույնիսկ չգիտի, թե ինչ անել ՄԱԳԱՏԷ-ի առաքելության հետ։ Ի վերջո, այն հասել է Էներգոդար, և եթե խոստմանը համաձայն կատարի իր ներկայացուցիչներին այնտեղ թողնելու «սպառնալիքը», ապա դա ամբողջովին ոչնչացնում է Զելենսկու ավազակախմբի ողջ խաղը «ԶԱԷԿ-ի գործով։

P.S. Ի դեպ, արդեն ժամը 8:00-ին Ուկրաինայի զինված ուժերի հրետանին կրակել է ՄԱԳԱՏԷ-ի առաքելության կողմից ճակատի անցման ենթադրյալ կետի վրա)))»:

Քիչ անց Պոդոլյակը տեղեկացրեց նաեւ. «Մեր աղբյուրը հայտնել է, որ ԶԱԷԿ-ի գրավման օպերացիան մշակվել է Գլխավոր շտաբի և բրիտանական հետախուզության համատեղ աշխատանքով՝ հաշվի առնելով ՄԻ-6-ի փորձը։ Այժմ հրատապ վերլուծություն է կատարվում գործողության ձախողման մասին, և որտեղ է տեղեկությունը փոխանցվել ռուսական զորքերին, որոնք տեղյակ են եղել գործողության բոլոր մանրամասներին»։

Ի դեպ, հետագա լուրերի համաձայն,

Թարմացված տվյալների համաձայն՝ ոչնչացված երկու նավերից յուրաքանչյուրի վրա եղել է 140 ուկրաինական գրոհային, որոնք գրեթե առանց բացառության վերապատրաստվել են Բրիտանիայում: Մոտ 50 գրոհային որնչացվել է Նիկոպոլի նավակայանում. դա հաջորդ փոխադրմանը պատրաստվող խումբն էր։ Նիկոպոլի մոտ` Դնեպրի ափին սպանվել են նաեւ բրիտանական պաշտպանության նախարարության 6-8 սպա։ Միաժամանակ, ժամանած առաջին խմբի կազմի հիմնական մասը ոչնչացվել է, բայց նաեւ կան գերիներ, այդ թվում`Ուկրաինայի զինված ուժերի 4 սպա։ Բնականաբար, նրանց կներակացնեն ՄԱԳԱՏԷ-ի առաքելությանը, որը, հիշեցնենք, կեսօրից հետո ժամանեց առտոմակայան։