Ուկրաինայի կորուստները 5 օրվա ընթացքում կազմել են 12 հազար մարդ

Նիկոլաև-Կրիվոյ Ռոգ և Խարկով ուղղություններում սեպտեմբերի 6-ից 10-ը Կիևի ռեժիմի կորուստները կազմել են ավելի քան 4000 սպանված և ավելի քան 8000 վիրավոր։ Այս մասին հայտնել է ՌԴ ՊՆ-ն:

Ռուսաստանի օդատիեզերական ուժերը, հրթիռային զորքերը և հրետանին ճշգրիտ հարվածներ են հասցնում Ուկրաինայի զինված ուժերի ստորաբաժանումներին և պահեստայիններին Խարկովի մարզում: Հարվածների արդյունքում խողվել է 14-րդ և 92-րդ մեխանիզացված ստորաբաժանումների կենդանի ուժն ու զինտեխնիկան։ Հակառակորդի կորուստները կազմել են ավելի քան 200 զինծառայող և ավելի քան 20 միավոր զինտեխնիկա։

Բացի այդ, օրվա ընթացքում կենտրոնացված կրակային հարվածներ են հասցվել Ուկրաինայի զինված ուժերի ստորաբաժանումներին՝ Խարկովի մարզի Պրիստին, Բոլդիրևկա, Սինիխա, Բելոե, Կոմարովկա, Գորոխովատկա, Կուպյանսկ, Սենկովո և Պոդվիսոկոյե բնակավայրերում: Ոչնչացվել է ավելի քան 250 ուկրաինացի զինծառայող, 12 զրահամեքենա, երեք դաշտային հրետանի, մեկ բազմակի հրթիռային կայանք և 17 մեքենա։

Նիկոլաև-Կրիվի Ռիհ ուղղությամբ ՌԴ օդատիեզերական ուժերի բարձր ճշգրտության հրթիռային հարվածները ոչնչացրել են Ուկրաինայի Զինված ուժերի 36-րդ ծովային բրիգադի ստորաբաժանումների ժամանակավոր տեղակայման կետը Նիկոլաևի շրջանում։ Հակառակորդի կորուստները կազմել են ավելի քան 100 զինծառայող, ինչպես նաև 15 մեքենա և զրահամեքենա։

Ընդհանուր առմամբ, միայն այս երկու ուղղություններով սեպտեմբերի 6-ից սեպտեմբերի 10-ը Կիևի ռեժիմի կորուստները կազմել են ավելի քան 4000 սպանված և ավելի քան 8000 վիրավոր։