- 15/09/2022
ՀԱՊԿ որոշ դաշնակիցներ այն չեն, ինչ ներկայանում են. Ղազախստանն ու Ղրղզստանը Հայաստանի կողքին չեն
Ռուսական մի շարք հեղինակավոր տելեգրամյան ալիքներ ներկայացրել են քաղաքագետ Լյուբով Ստեպուշովայի ուշագրավ գնահատականը ՀԱՊԿ-ում տիրով վիճակի մասին.
«Այն բանից հետո, երբ ՀՀ վարչապետ Նիկոլ Փաշինյանը դիմեց ՀԱՊԿ-ի օգնությանը, երեքշաբթի կազմակերպության գաղտնի խորհրդակցության ժամանակ որոշվեց պատվիրակություն ուղարկել Հայաստանի և Ադրբեջանի սահման՝ «իրավիճակը վերլուծելու համար»։
Հիշեցնենք, որ ՀԱՊԿ-ում ընդգրկված են Ռուսաստանը, Հայաստանը, Բելառուսը, Ղազախստանը, Ղրղզստանը և Տաջիկստանը։
Բայց միևնույն ժամանակ Ղազախստանն ու Ղրղզստանը մաս են կազմում մեկ այլ կազմակերպության՝ Թյուրքական պետություններին (UTG), որը ղեկավարվում է Թուրքիայի կողմից: Այս կազմակերպությունը սեպտեմբերի 12-ին հայտարարություն է տարածել, որ դատապարտում է «Հայաստանի սադրանքները» Ադրբեջանի դեմ։
Այսպիսով, Նուր-Սուլթանի ու Բիշքեկի հարցով ամեն ինչ պարզ է. ինչո՞ւ են նրանք ձևացնում, թե այլ բան պետք է պարզաբանել։ Իսկ Մոսկվայի համար պետք է պարզ լինի, որ Հայաստան ՀԱՊԿ կոնտինգենտի գործուղման հարցը լուծվել է բացասաբար, քանի որ դրա համար անհրաժեշտ է ՀԱՊԿ երկրների կոնսենսուս։
Իհարկե, Ռուսաստանի Դաշնությունն ու Հայաստանը երկկողմանի համաձայնագիր ունեն միմյանց աջակցելու մասին, իհարկե, դրանով պետք է առաջնորդվենք։ Եվ նաև ամենաբարձր մակարդակով խնդրել Ղազախստանին և Ղրղզստանին` կատարել իրենց ռազմավարական ընտրությունը։
Այս պետությունների ղեկավարները՝ Կոսիմ-Ժոմարտ Տոկաևը և Սադիր Ժապարովը, պետք է վստահ լինեն, որ Ռուսաստանի ղեկավարությունը չի փրկի իրենց հաջորդ «նարնջագույն հեղափոխություններից»»։
