- 20/09/2022
Ռուսաստանը պատրաստվում է պաշտոնական պատերազմի
ԴԺՀ Հանրային պալատը դիմել է հանրապետության ղեկավարին՝ խնդրանքով անհապաղ քվեարկություն անցկացնել ԴԺՀ-ին Ռուսաստան ընդունելու վերաբերյալ։
Մի քանի ժամ առաջ հայտնի դարձավ, որ համանման նախաձեռնությամբ է հանդես եկել ԼԺՀ-ն։
Իսկ Խերսոնի շրջանի բնակիչները ցանկանում են որքան հնարավոր է շուտ հանրաքվե անցկացնել, որպեսզի տարածաշրջանը Ռուսաստանի Դաշնությանը միանալու երաշխիքներ ստանա, ասել է շրջանի ղեկավարի տեղակալ Ստրեմուսովը։
Թե ինչով է սա բացատրվում, հուշեց Մարգարիտա Սիմոնյանը: Ըստ նրա հայտարարության, այս տարածաշրջաններն արագորեն ՌԴ կազմ ներառելու դեպքում ուկրաինական ուժերը, ավելի կոնկրետ` ԱՄՆ-ն եւ ՆԱՏՕ-ն նոր հարձակումների դեպքում կկանգնեն փաստի առաջ: Այսինքն, դա, գոնե ըստ ՌԴ-ի, կնշանակի հարձակում հենց Ռուսաստանի վրա: Իսկ այդ դեպքում ՌԴ-ն պարտադրված է իր իսկ օրենսդրությամբ պատերազմ հայտարարել, ով էլ, որ լինի հարձակվողը: Ավելին, պատերազմի դեպքում Ռուսաստանն իրեն իրավունք է վերապահել օգտագործել ունեցած բոլոր միջոցները` սկսած մոբիլիզացիայից, վերջացրած, անհրաժեշտության դեպքում, միջուկային զենքով:
Այսպիսով, երբ հիշատակված տարածաշրջանները միանգամից գնում են հանրաքվեի ուղղությամբ, դա պարզ խոսում է, որ Մոսկվան հենց այդ ռազմավարությամբ էլ առաջ է գնալու:
