- 21/09/2022
Աշխարհը կարող է մեկ-երկու ամսից մտնել գլոբալ հակամարտություն. Վուչիչ
Աշխարհը կարող է մեկ-երկու ամսից մտնել գլոբալ հակամարտություն, որը չի եղել Երկրորդ համաշխարհային պատերազմից հետո։ Այս մասին հայտարարել է Սերբիայի նախագահ Ալեքսանդր Վուչիչը։
«Ես ենթադրում եմ, որ հատուկ ռազմական գործողության փուլից մենք մոտենում ենք մեծ ռազմական հակամարտության»,- ասել է նա RTS հեռուստաալիքին տված հարցազրույցում։
«Հարցն այն է, թե որտեղ են սահմանները, և արդյոք մենք որոշ ժամանակ անց, և գուցե մեկ-երկու ամսից կսահե՞նք դեպի համաշխարհային մեծ հակամարտություն, որը չի եղել Երկրորդ համաշխարհային պատերազմից հետո», – հավելել է Վուչիչը:
