ՌԴ-ի եւ Սաուդյան Արաբիայի ծանր հարվածն Արեւմուտքին

Երեկ ՊԵԿ+-ի նախարարները որոշել են կրճատել նավթի արդյունահանումը օրական 2 մլն բարելով, հայտնում է Bloomberg-ը։

ՕՊԵԿ+-ի արդյունահանման կրճատումն ուժի մեջ կմտնի նոյեմբերից, հաղորդում է Reuters-ը։

Հիշեցնենք, դեռ ամիսներ առաջ Բայդենն անձամբ հասավ Սաուդյան Արաբիա` փորձելով հասնել նավթի արդյունահանման ծավալների ավելացման: Սաուդները նրան հետ ճամփեցին տուն: Հիմա եւս Բայդեը մաշկից դուրս եկավ, որ ՕՊԵԿ+-ի երկրները չնվազեցնեն արդյունահանումը:  Բայց ահա ռուսների հետ միասին, որոշում են գնալ հակառակին` նավթադյունահանման կրճատման: Ընդ որում, նախապես խոսք կան 1 միլիոն բարելով օրական արդյունահանումը կրճատելու մասին, սակայն այդ թիվը հասցվեց 2 միլիոնի:

Դա նշանակում է հետեւյալը: Որոշումը դեռ չհրապարակված, նավթի տարբեր տեսակների համաշխարհային գներն աճեցին 2-5 տոկոսով: այս օրերին այդ թվերն էլ ավելի կբարձրանան, եւ նույնիսկ դժվար է ասել, թե ինչ վերին սահման կհաստատվի: Արդյունքում, եթե Բայդենի վարչակազմը համառորեն փորձում էր ԱՄՆ-ի ներսում նավթամթերքի գները նվազեցնել, հիմա արդեն պետք է մտածի կտրուկ գերթռիչքներ թույլ չտալու մասին: Իսկ ահա նոյեմբերի 1-ին, երբ որոշումն ուժի մեջ կմտնի, սպասվում է գների եւս մեկ թռիչք: Մինչդեռ նոյեմբերն ԱՄՆ-ում կոնգրեսի եւ Սենատի ընտրությունների փուլն է, եւ առանց այդ էլ նվազագույնի հասած Բայդենի եւ նրա կուսակցության վարկանիշ այդ պահին հերթական ցնցումային հարվածն է ստանալու: