Շոլցը չի պաշտպանել Զելենսկու կոչը՝ Ռուսաստանին կանխարգելիչ հարված հասցնելու վերաբերյալ

Գերմանիայի կանցլեր Օլաֆ Շոլցը չի կիսում Ուկրաինայի նախագահ Վլադիմիր Զելենսկու կարծիքը Ռուսաստանի դեմ «կանխարգելիչ հարված» հասցնելու անհրաժեշտության մասին։

Այս մասին գրում է РИА Новости-ն՝ հղում անելով Գերմանիայի կառավարության մամուլի քարտուղարի տեղակալ Վոլֆգանգ Բուխների խոսքերին։

«Կանցլերը հստակորեն դեմ է միջուկային զենքի կիրառմանը»,- ասել է նա՝ պատասխանելով լրագրողների հարցին։

ՄԱԿ-ի գլխավոր քարտուղարի պաշտոնական ներկայացուցիչ Ստեֆան Դյուժարիկը նույնպես չի աջակցել Ուկրաինայի ղեկավարին՝ ասելով, որ նույնիսկ միջուկային հակամարտության մասին քննարկումներն անընդունելի են։