Շատ կարևոր է կապեր ունենալ Պուտինի հետ. Ֆրանսիայի ԱԳ նախարար

Ֆրանսիայի արտաքին գործերի նախարար Կատրին Կոլոնան ասել է, որ կարևոր է հաղորդակցման ուղիներ ունենալ ՌԴ նախագահ Վլադիմիր Պուտինի հետ:

«Մեկուսացումը վատթարագույն քաղաքականություն կլինի: Կապերի պահպանումը թույլ կտար ՄԱԳԱՏԷ-ի առաքելությունն ուղարկել Զապորոժիեի ԱԷԿ»,-դիվանագետի խոսքերն է մեջբերել ՏԱՍՍ-ը:

Նրա խոսքով, երկխոսությունն օգնում է արդյունքների հասնել:

«Կգա ժամանակ, երբ հակամարտությունը կավարտվի: Հնարավոր է՝ այն երկար տևի, բայց Ռուսաստանը միշտ էլ կլինի մեր հարևանը»,-ընդգծել է Ֆրանսիայի ԱԳ նախարարը: