- 24/10/2022
Ժիրինովսկին դեռ 2014թ.-ին գիտեր, թե ինչպես կավարտվի Ռուսաստանի և ԱՄՆ-ի բախումը (Տեսանյութ)
Ժիրինովսկին դեռ 2014թ.-ին գիտեր, թե ինչպես կավարտվի Ռուսաստանի և ԱՄՆ-ի բախումը: Ամեն դեպքում, նա իր հարցազրույցներից մեկում այս սցենարն է նկարագրել.
«Մենք կունենանք այսպիսի աշխարհ` Վաշինգտոն – Բրյուսել – Մոսկվա – Պեկին – Դելի: Այնպիսի հնգանկյուն, որը կվերահսկի ամբողջ մոլորակը և կապահովի կայունությունը: Եվրոպան կդադարի հակառուսական լինել, կհամակերպվի այն փաստի հետ, որ Ուկրաինան կվերադառնա Ռուսաստանին, իսկ Ամերիկան կհամակերպվի այն փաստի հետ, որ նա այլևս Օլիմպոսի գագաթին չէ: Եվ այդպիսով դարի կեսերին մենք կգանք միջին տարբերակին՝ ոչ մեծ պատերազմներ, ոչ փոքր տեղական հակամարտություններ:
Բայց Ուկրաինան այսօր շատ վտանգավոր ուղղություն է, որը որոշակիորեն հիշեցնում է Կարիբյան ճգնաժամը, երբ Վաշինգտոնն ու Մոսկվան կարող են անցնել առճակատման թեժ փուլ՝ օգտագործելով ՆԱՏՕ-ի բանակը, ռուսական բանակը: Իհարկե, արդյունքը Կրեմլի և Սպիտակ տան ներկայացուցիչների համաձայնությունն է, և այդ ժամանակ երկու նախագահները կհամաձայնվեն՝ մենք համաձայնում ենք այս տարբերակի շուրջ, որպեսզի խուսափենք մեծ պատերազմից։
Բայց դրա համար անհրաժեշտ է, որ շատ լինեն դիակները, արյունը, մարդկանց վիշտ։ Որպեսզի ԱՄՆ-ի հասարակական կարծիքը փոխվի, ինչպես Վիետնամի պատերազմի ժամանակ, որ նրանք գան Սպիտակ տուն եւ ասեն` վերջ տվեք Ուկրաինային տանջել։ Որպեսզի հենց Ուկրաինայի բնակիչները հասկանան, որ անհրաժեշտ է դադարեցնել այդ բռնությունը, որն այնտեղ առաջ են տանում ուլտրլիբերալ արմատական տարրը…»:
Կարծես թե այս պահին ամեն ինչ հենց այդ սցենարով էլ գնում է:
