Ինչու Պուտինը Եվրոպայի դեմ «գազային մահակ» տվեց Էրդողանի ձեռքը

Թուրքիայի նախագահ Թայիփ Էրդողանը հայտարարել է, որ Անկարան կապահովի ռուսական գազի բաշխումը Եվրոպա «Թուրքական հոսք»-ով։

Ռուսաստանի և Թուրքիայի նախագահներ Վլադիմիր Պուտինը և Թայիփ Էրդողանը նախապես հանձնարարել են մանրամասն և արագ մշակել Թուրքիայում գազային հանգույց ստեղծելու հարցը, որով, մասնավորապես, Ռուսաստանի Դաշնությունը կարող է գազի տարանցումը «Հյուսիսային հոսքից» դեպի Սևծովյան տարածաշրջան տեղափոխել։ Էրդողանը կարծում է, որ Եվրոպան կարող է ռուսական գազ ստանալ Թուրքիայի տարածքով։

«Ռուսաստանի հետ մեր բանակցությունների արդյունքում մենք, կապահովենք բնական գազի բաշխումը Ռուսաստանից դեպի Եվրոպա «Թուրքական հոսքի» միջոցով», – ասել է Էրդողանը հանրապետության գալիք հարյուրամյակի կապակցությամբ ունեցած հիմնական ելույթի ժամանակ:

Այսպիսով, եթե Եվրոպան տասնամյակներով Թուրքիայի մուտքը ԵՄ արգելափակում էր, հիմա ստիպված է լինելու վազել Էրդողանի մոտ, թե ինչ կլինի, մեզ մի քիչ շատ գազ տուր: Իսկ կոնկրետ ում կտա, որոշողն Էրդողանն է: Այնսինքն, համաեվրապական գազային հաբի այն ֆունկցիան, որը ՌԴ-ն տալիս էր Գերմանիային, հիմա կստանա Թուրչքիան` բխող հետեւանքներով հանդերձ:

Սա, ի դեպ, այն գործարքն է, որի հաշվին Էրդողանը էակաս կդյուրինացնի գալիք տարի վերընտրվելու հնարավորությունը:

Թե ինչ է ստացել դրա դիմաս Ռուսաստանըև, նույնպես հասկանալի է: Նախ, Սոչիի հանդիպման եւ այդ շրջանակներում ռուս-ամերիկյան բախումների հետ կապված Էրդողանը գերադասում է լռել: Սա, անշուշտ, ռուս-թուրքական պայմանավորվածությունենրի մեջ է: Իրեն առանձնապես չի ճղում նաեւ Ալիեւը, եւ սա եւս հասկանալի է:

Գումարած, գազի բաշխումը տալով Թուրքիային, ռուսները նախ` պահում են եվրոպական շուկան, որը, խոշոր հաշվով, իրենց հիմնական խնդիրներից է: Բայց, միաժամանակ, ցանկացած պահի կարող են Թուրքիային զրկել այդ ֆունկցիայից` ընդամենը փականը փակելով: Դա էլ կապահովի, որ Էրդողանը իրեն չափից դուրս շատ սուլթան չզգա:

Ի դեպ, վերրջին հայտնի ելույթում, Հայաստանի հարցից հետո, Պունինն անմիջապես խոսեց Էրդողանի մասին ,թե` նրա հետ միշտ էլ հնարավոր է պայմանավորվել: Ու, կարծես թե, խոսքն այս մեծ պայմանավորվածության մասին է` Թուրքիայի ջանքերի ուղղորդումը Կովկասից տեղափոխել դեպի Եվրոպա` «գազային մահակը» ձեռքը տալով: