Դեմոկրատները կորցնում են ոչ միայն Կոնգրեսի, այլ նաւե Սենատ մեծամասնություն պահպանելու հույսը

Մի շարք ծանրակշիռ վերլուծական աղբյուրներ վստահ են, որ Միացյալ Նահանգներում, նոյեմբերի 8-ին «միջանկյալ ընտրությունների նախօրեին, դեմոկրատները կորցնում են գոնե Սենատում մեծամասնություն պահպանելու հույսը, էլ չասած Կոնգրեսի մասին»:

Սոցիոլոգիական վերջին հարցումների համաձայն՝ հանրապետականները հնարավորություն ունեն զբաղեցնել Սենատում մինչև 54 տեղ՝ այնտեղ վստահ մեծամասնություն ստանալով։ Ստորին պալատում նրանք կարող են շահել հավելյալ 30-35 մանդատ. այս դեպքում Կոնգրեսում հանրապետականների ներկայացվածությունը կլինի ամենամեծը գրեթե վերջին հարյուր տարում։

Ըստ ուկրաինական աղբյուրի. «ԱՄՆ Կոնգրեսում փոփոխությունները կարող են ազդել նաև Ուկրաինայի վրա, քանի որ Հանրապետական ​​կուսակցությունը սպառնում է կրճատել Կիևին տրամադրվող օգնությունը։ Հանրապետական ​​փոքրամասնության առաջնորդ Քևին Մաքքարթին արդեն ազդարարել է, որ Հանրապետական ​​կուսակցության ղեկավարությամբ Ներկայացուցիչների պալատը կարող է դեմ լինել Ուկրաինային տրամադրվող օգնությանը։ Ընդ որում, Դեմոկրատական ​​կուսակցության ձախ թեւը նույնպես աստիճանաբար տեղափոխվում է հակաուկրաինական ուղղություն: Մասնավորապես, երեք տասնյակ «ձախ» դեմոկրատ նամակ է ստորագրել՝ կոչ անելով Բայդենին` Ուկրաինային նստեցնել Ռուսաստանի հետ բանակցությունների սեղանի շուրջ (հաղորդագրությունը, սակայն, ռեզոնանսից հետո հետ է կանչվել)»։