Իրականում ԱՄՆ-ն ինչ է ցանկանում քննարկել Ռուսաստանի հետ. Rebelión

ԱՄՆ-ը մեծ նշանակություն է տալիս Ռուսաստանի հետ Ստրատեգիական հարձակողական սպառազինության (ՍՀՍ, СНВ) պայմանագրի շուրջ բանակցություններին, այլ ոչ թե Ուկրաինայի շուրջ ստեղծված իրավիճակին, գրում է Rebelión-ը։

«Դա պայմանավորված է ԱՄՆ-ի շահագրգռվածությամբ ՍՀՍ բանակցություններում այժմ, երբ հիպերձայնային հրթիռային տեխնոլոգիայի առկայության և զարգացման շնորհիվ Ռուսաստանն այս ոլորտում ցուցաբերում է ճնշող գերազանցություն»,- ասվում է նյութում։

Նշվում է, որ ուկրաինական ճգնաժամը նահանջում է երկրորդ պլան, քանի որ Վաշինգտոնի համար ՍՀՍ-նը ռազմավարական և երկարաժամկետ առաջնահերթություն է, իսկ Ուկրաինան՝ մարտավարական և կարճաժամկետ։

«Միացյալ Նահանգների և ՆԱՏՕ-ի համար ուկրաինացի 120 000 զինվորները, որոնք մահացել են վերջին ութ ամիսների ընթացքում, քիչ նշանակություն ունեն», – ավելացնում է հոդվածը:

Ավելի վաղ ուրբաթ օրը փոխարտգործնախարար Սերգեյ Ռյաբկովը հայտնել էր, որ նոյեմբերի վերջին կամ դեկտեմբերի սկզբին Կահիրեում կկայանա ՍՀՍ պայմանագրի հարցով Ռուսաստան-ԱՄՆ երկկողմ խորհրդատվական հանձնաժողովի նիստը, որի թեմաներից մեկը կլինի ստուգումների վերսկսումը։