ԱՄՆ-ը և դաշնակիցները հիասթափվել են Ուկրաինայից. National Interest

ԱՄՆ-ը և նրա դաշնակիցները վերանայում են իրենց վերաբերմունքն Ուկրաինայի նկատմամբ` Լեհաստանում հրթիռի արձակման վերաբերյալ Կիևի արձագանքից հետո, գրում է National Interest-ը։

Նշվում է, որ Վաշինգտոնին հիասթափեցրել են Վլադիմիր Զելենսկու հայտարարությունները, ով կատարվածի համար մեղադրել է Ռուսաստանին, թեպետ ԱՄՆ-ն ընդունել է, որ հրթիռն ուկրաինական է։

«Հրթիռի արձակման հետ կապված Կիևի համառ պահվածքը հիասթափություն և վրդովմունք է առաջացրել ոչ միայն ամերիկացի պահպանողականների, այլև Սպիտակ տան և ՆԱՏՕ-ի մյուս գործընկերների շրջանում»,- ասվում է նյութում։

Լեհաստանի հրթիռային ճգնաժամը Կիևի շուրջ առաջին նման սկանդալն էր ռուսական հատուկ գործողության սկզբից ի վեր, նշել է հեղինակը։ Նա նաև հավելեց, որ ստեղծված իրավիճակը մեծ հնչեղություն է առաջացրել ամերիկյան շրջանակներում։

Լեհաստանի և Ուկրաինայի միջև սահմանային մահացու միջադեպը կրկին բորբոքեց Կիևի` ԱՄՆ-ի հետագա աջակցության մասին բանավեճերը, երբ Ներկայացուցիչների պալատն այժմ վերահսկվում է հանրապետականների կողմից:

Ի թիվս այլ բաների, հոդվածում ընդգծվում է, որ քաղաքական գործիչներն ու պահպանողական հայացքների ակտիվիստները վաղուց թերահավատորեն են վերաբերվում Ուկրաինայի նկատմամբ Բայդենի քաղաքականությանը, իսկ Լեհաստանում տեղի ունեցած ողբերգությունը միայն կրակի վրա յուղ է լցրել։