- 23/11/2022
Ռուսական զորքերը պատրաստվում են Ուկրաինան կտրել Լեհաստանից
Այսօր Երեւանում կայանալիք ՀԱՊԿ գագաթնաժողովն ուղղակիորեն կապված է Ուկրաինայում ռուսական ռազմական գործողության հետ։
Այս մասին հայտարարել է Տիրասպոլի 14-րդ բանակի նախկին հրամանատար, Անդրկովկասում ռուսական ուժերի խմբավորման նախկին հրամանատարի տեղակալ, գեներալ-լեյտենանտ Յուրի Նետկաչովը։
«ՀԱՊԿ բոլոր փաստաթղթերը, որոնք նախատեսվում է ստորագրել Երեւանում, իմ կարծիքով, ուղղակիորեն կապված են Ռուսաստանի կողմից իրականացվող ՀՌՕ-ի հետ։ Հատկապես ԱՊՀ երկրների և եվրոպական այլ երկրների ռադիոակտիվ աղտոտման սպառնալիքների հետ կապված։ ՄԱԿ-ը մտահոգված է Զապորոժիեի ատոմակայանում ստեղծված իրավիճակով, և շատ երկրներ պահանջում են դրա ապառազմականացումը։ ՀԱՊԿ խաղաղապահ զորամիավորումները, որոնք մտցվել են ԶԱԷԿ-ի գոտի, կարող են դառնալ դրա անվտանգության երաշխավորը»,- ասել է Նետկաչովը` «Նեզավիսիմայա գազետա»-ին։
Գեներալը նաև հիշեցրել է, որ Բելառուսում, ըստ ՌԴ ՊՆ-ի, ռուս զինվորականները ինտենսիվ մարտական պատրաստություն են անցնում զորավարժարաններում, այդ թվում՝ զրահատեխնիկայի կիրառմամբ։
«Նրանց կազմը կազմում է առնվազն 9 հազար զինվորական և մի քանի հարյուր զրահամեքենա։ Չեմ բացառում, որ ռուսական խմբավորումներ են ստեղծվում Ուկրաինայի արևմտյան շրջաններ մուտք գործելու և Լեհաստանից Ուկրաինայի զինված ուժերի մատակարարման ուղիները կտրելու համար»,- հավելել է Նետկաչևը։
