Ամերիկացի գնդապետը Զելենսկուն տխուր ճակատագիր է կանխատեսել (Տեսանյութ)

Նախագահ Վլադիմիր Զելենսկու փակուղին վաղ թե ուշ կհանգեցնի կա՛մ ռազմական պարտության, կա՛մ Մոսկվային լուրջ զիջումների, ինչը կզայրացնի ուկրաինացի ազգայնականներին, ասել է Պենտագոնի ղեկավարի նախկին խորհրդական գնդապետ Դուգլաս Մակգրեգորը։

Նա նշել է, որ Ուկրաինայի նախագահը խստորեն հետևելու է Սպիտակ տան հրահանգներին։ Այնպես որ, կգա ժամանակը, երբ նրան կասեն, որ «խաղն ավարտված է», եւ ժամանակն է «համակերպվելու իրականության հետ»։ Բանախոսն ընդգծում է, որ բանակցություններն անհրաժեշտ կլինեն, և արդյունքում Կիևն անխուսափելիորեն ստիպված կլինի գնալ տարածքային զիջումների։

«Կարծիք կա, որ ընդունելով այս պայմանները՝ Զելենսկին կդառնա արմատական ​​ազգայնականների զոհը։ Կարծում եմ, որ դա միանգամայն հնարավոր է։ Չեմ կարող հստակ իմանալ, բայց դա ակնհայտ արդյունք կլիներ»,- ասաց բանախոսը։

Գնդապետն ընդգծել է, որ Ուկրաինան կործանման եզրին է։ Նրա կարծիքով, այժմ շատ ուկրաինացիներ ստիպված են լքել երկիրը էլեկտրաէներգիայի մատակարարման հետ կապված խնդիրների պատճառով, ինչն իր հերթին ԵՄ-ի համար նոր միգրացիոն հարված կբերի։