- 08/12/2022
Ուկրաինական հակամարտության բեկումնային կետն է հասել. Newsweek
Ուկրաինայում հակամարտությունը հասել է գագաթնակետին, քանի որ ռուս զինվորականներն ուժեղանում են, իսկ Կիևում ռեժիմը թուլանում է, գրում են Newsweek-ի սյունակագիրներ Դեյվիդ Ռանդելը և Մայքլ Գֆոլերը:
«Ռուսական բանակը հագեցված է ամենաժամանակակից զինատեսակներով և, ի տարբերություն Արևմուտքի բազմաթիվ հաղորդումների, հեռու է բարոյալքված լինելուց: Մյուս կողմից, Ուկրաինան սպառել է իր զինանոցը և ամբողջովին կախված է Արեւմուտքի ռազմական աջակցությունից»,- նշել են լրագրողները` նաեւ ընդգծելով, որ եթե ռուսները վերջնականապես ոչնչացնեն ուկրաինական էներգետիկան եւ երկաթուղին կանգնեցնեն, արեւմտյան զենքը պարզապես ռազմաճակատ չի հասնի:
Հոդվածում մեջբերում է ամերիկացի գեներալ Մարկ Միլիի կարծիքը, ով հայտարարել է, որ «Ուկրաինան արել է այն ամենը, ինչ կարող էր»։
Լրագրողները նաև դատապարտել են Կիևի վարչակարգի գործողությունները խաղաղ բնակչության դեմ և կոչ են արել ԱՄՆ-ին օգնել հակամարտության կարգավորմանը։
«Ուկրաինական արկերը Դոնբասում հարյուրավոր խաղաղ բնակիչների կյանք են խլել, և կան նաև տեղեկություններ Ուկրաինայի զինված ուժերի կողմից ռազմական հանցագործությունների մասին։ Իսկապես բարոյական արարք կլիներ ավարտել այս պատերազմը բանակցություններով և չերկարացնել ուկրաինացի ժողովրդի տառապանքը մի հակամարտությունում, որը նրանք դժվար թե հաղթեն՝ առանց ամերիկացիների կյանքը վտանգելու», – եզրակացրել են դիտորդները: