Սաուդյան Արաբիայի գահաժառանգը Ալ-Յամամա պալատում ընդունել է Սի Ծինփինին (Տեսանյութ)

Սաուդյան Արաբիայի գահաժառանգ արքայազն Մուհամմեդ բեն Սալմանը Էր-Ռիադի Ալ-Յամամա պալատում ընդունել է Չինաստանի նախագահ Սի Ծինփինին։

Նախագահ Սիի այցի կապակցությամբ Էր Ռիադ է ժամանում Իրաքի վարչապետը, Եգիպտոսի նախագահը, Իրանի արտաքին գործերի նախարար Հոսեյն Ամիր Աբդոլլահիան եւ այլն: Այսինքն, Սաուդյան Արաբիայում են հավաքվում ոչ թե միայն արաբական, այլ` իսլամական աշխարհի բոլոր ազդեցիկ պետությունների ներկայացուցիչները:

Ընդ որում, այս շրջանակներում Թեհրանը հայտարարել է, որ Իրանը շահագրգռված է Սաուդյան Արաբիայի հետ դիվանագիտական ​​հարաբերությունների վերականգնմամբ։ Համաձայն արժանահավատ աղբյուրների, այցի ընթացքում Չինաստանի ղեկավարը կքննարկի Իրանի և Սաուդյան Արաբիայի հարաբերությունների վերականգնման հարցը։