ԱՄՆ-ում հիացած են Ռուսաստանի ունեցած «անգին ռազմական արժեքներով»

Ռուսական Սու-35-ն ունի յուրահատուկ փորձ, որը չունի ոչ մի ժամանակակից կործանիչ, գրում է ամերիկյան Military Watch մասնագիտացված ամսագիրը՝ այս ինքնաթիռն անվանելով «անգին արժեք»։

«Սու-35-ը շատ ավելի շատ թշնամի կործանիչներ է ոչնչացրել, քան ցանկացած այլ ինքնաթիռ` սառը պատերազմից ի վեր: Ենթադրվում է, որ այն կարող է նաև հարվածել ժամանակակից արևմտյան բարձրակարգ կործանիչներին, ինչպիսիք են F-35A-ն և F-15CA-ն:

Սու-35-ը, ասվում է հոդվածում, առաջացել է Սու-27 օդային գերակայության կործանիչի կատարելագործված տարբերակից, որը ժամանակին հավասարը չուներ աշխարհում։

Սու-35-ը գերմանևրելի կործանիչ է։ Այն համալրված է թվային տեղեկատվության և կառավարման համակարգի վրա հիմնված նոր ավիացիոն համալիրով, նոր ռադարով՝ փուլային ալեհավաքով, օդային թիրախները հայտնաբերելու համար ավելի երկար հեռահարությամբ և միաժամանակ հետևվող և կրակող թիրախների ավելացված քանակով։

Կործանիչը համալրված է ուժեղացված նոր շարժիչներով, այն զարգացնում է ժամում մինչև 2500 կիլոմետր արագություն և ունակ է օդ բարձրացնել ութ տոննա մարտական ​​բեռ։

Ավելի վաղ The National Interest-ի ամերիկյան հրատարակությունը խանդավառությամբ խոսել էր Սու-35-ի նախորդի՝ ռուսական Սու-27 կործանիչի մասին՝ այն անվանելով «անմահ»։