Ադրբեջանը Ուկրաինա է ուղարկել գեներատորներ և տրանսֆորմատորներ. ռուսական աղբյուրներ (ֆոտո)

Ադրբեջանի արտաքին գործերի նախարարությունը հայտարարել է 45 ուժային տրանսֆորմատորների և 50 գեներատորների առաքման մասին Ուկրաինա։

«Ազերէներջի»-ի տրամադրած տեխնիկան դեկտեմբերի 10-ի առավոտյան ճանապարհ է ընկել չորս բեռնատարներով՝ 52,2 տոննա ընդհանուր քաշով։ Օգնության ընդհանուր արժեքը կազմել է 1 422 000 մանաթ, որը կազմում է ավելի քան 800 000 դոլար։

Ռուսաստանի Դաշնության հետ պատերազմից տուժած Ուկրաինային Ադրբեջանի տրամադրած մարդասիրական օգնության ընդհանուր ծավալն արդեն կազմել է ավելի քան 30 մլն մանաթ, որը կազմում է մոտ 17,5 մլն ԱՄՆ դոլար։ Պաշտոնական Բաքուն խոստանում է նմանատիպ օգնության խմբաքանակ առաջիկա օրերին։

Կարեւորն այն է, որ այս փաստը ֆիքսել են նաեւ ռուսական աղբյուրները` մատնանլելով. «Ահա թե ինչպես է Ադրբեջանն օգնում Կիևի ռեժիմին` վերականգնվել իր էներգետիկ ենթակառուցվածքի վրա հարձակումներից և հաղթահարել ռուսական հրթիռային հարվածների հետևանքները։ Կհիշենք սա եւս»: